ಜೆಟ್‌ ಹಾರಾಟ ಬಂದ್‌?

ಹೊಸದಿಲ್ಲಿ: ಹಣಕಾಸಿನ ಬಿಕ್ಕಟ್ಟು ಎದುರಿಸುತ್ತಿರುವ ಜೆಟ್‌ ಏರ್‌ವೇಸ್‌ ತಾತ್ಕಾಲಿಕವಾಗಿ ಎಲ್ಲ ರೀತಿಯ ವಿಮಾನ ಹಾರಾಟ ಸ್ಥಗಿತಕ್ಕೆ ನಿರ್ಧರಿಸಿದೆ ಎಂದು ಮೂಲಗಳನ್ನು ಉಲ್ಲೇಖೀಸಿ “ಸಿಎನ್‌ಬಿಸಿ-ಟಿವಿ 18′ ವರದಿ ಮಾಡಿದೆ. ಸಂಸ್ಥೆಯ ಸಿಇಒ ವಿನಯ ದುಬೆ ಎಸ್‌ಬಿಐ ಆಡಳಿತ ಮಂಡಳಿಗೆ ಪತ್ರ ಬರೆದು ಕೂಡಲೇ 400 ಕೋಟಿ ರೂ. ಬಿಡುಗಡೆ ಮಾಡಲು ಮನವಿ ಮಾಡಿದ್ದಾರೆಂದು ಅದು ಹೇಳಿಕೊಂಡಿದೆ. ಇದೇ ವೇಳೆ ನಾಗರಿಕ ವಿಮಾನ ಯಾನ ಖಾತೆ ಸಚಿವಾಲಯದ ಕಾರ್ಯದರ್ಶಿ ಪ್ರದೀಪ್‌ ಸಿಂಗ್‌ ಖರೋಲಾ ಪ್ರತಿಕ್ರಿಯೆ ನೀಡಿ ಸಂಸ್ಥೆಯ ಬಳಿ ಕೇವಲ 5 ವಿಮಾನಗಳಿದ್ದು, ಅದರ ಮೂಲಕ ಹಾರಾಟ ನಡೆಸುತ್ತಿದೆ ಎಂದು ಹೇಳಿದ್ದಾರೆ. ಮತ್ತೂಂದೆಡೆ ಬಿಡ್‌ ಪ್ರಯತ್ನದಿಂದ ಸಂಸ್ಥೆ ಮಾಜಿ ಅಧ್ಯಕ್ಷ ನರೇಶ್‌ ಗೋಯಲ್‌ ಹಿಂದೆ ಸರಿದಿದ್ದಾರೆ.