ಟ್ರಾಫಿಕ್‌ ಜಾಮ್‌ ವಿಡಿಯೋ ಶೇರ್‌ ಮಾಡಿದ ಜೆಟ್‌ ಸಿಇಒ

ನವದೆಹಲಿ: ದೆಹಲಿಯ ಇಂದಿರಾ ಗಾಂಧಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಗುರುಗ್ರಾಮಕ್ಕೆ ತೆರಳುವ ಮಾರ್ಗದಲ್ಲಿ ಶುಕ್ರವಾರ ಮಧ್ಯರಾತ್ರಿ ಸಂಚಾರ ದಟ್ಟಣೆ ಕಾರಣ ಕೊಂಚ ದೂರಕ್ಕೆ 45 ನಿಮಿಷ ಹಿಡಿದ ಬಗ್ಗೆ ಜೆಟ್‌ ಏರ್‌ ವೇಸ್‌ ಸಿಇಒ ಸಂಜೀವ್‌ ಕಪೂರ್‌ ಟ್ವಿಟರ್‌ನಲ್ಲಿ ಬೇಸರ ವ್ಯಕ್ತಪಡಿಸಿದ್ದಾರೆ.

ಸರಿಯಾದ ವ್ಯವಸ್ಥೆ ಇಲ್ಲದೆ, ಟ್ರಕ್‌ ಚಾಲಕರು ರಸ್ತೆಯಲ್ಲೇ ಹೇಗೆಂದರೆ ಹಾಗೇ ಅಡ್ಡದಿಡ್ಡಿಯಾಗಿ ಟ್ರಕ್‌ ಪಾರ್ಕ್‌ ಮಾಡಿರುವ ಕಾರಣ ಸುಖಾಸುಮ್ಮನೇ ಈ ಮಾರ್ಗದಲ್ಲಿ ಟ್ರಾಫಿಕ್‌ ಆಗುತ್ತಿದೆ ಎಂದು ಟ್ವೀಟ್‌ ಮಾಡಿರುವ ಅವರು, ಟ್ರಾಫಿಕ್‌ ಜಾಮ್‌ನ ವಿಡಿಯೋ ಶೇರ್‌ ಮಾಡಿದ್ದಾರೆ.

ಅಲ್ಲದೇ ಇದನ್ನು ದೆಹಲಿ ಸಂಚಾರ ಪೊಲೀಸ್‌ ಹಾಗೂ ಕೇಂದ್ರ ರಸ್ತೆ ಮತ್ತು ಹೆದ್ದಾರಿ ಸಚಿವ ನಿತಿನ್‌ ಗಡ್ಕರಿಗೆ ಟ್ಯಾಗ್‌ ಮಾಡಿದ್ದಾರೆ.