Jerodha ಸಹ ಸಂಸ್ಥಾಪಕ ನಿತಿನ್‌ ಕಾಮತ್‌ಗೆ ಲಘು ಪಾರ್ಶ್ವವಾಯು

ಹೊಸದಿಲ್ಲಿ: ದೇಶದ ಅತೀ ದೊಡ್ಡ ಆನ್‌ಲೈನ್‌ ಸ್ಟಾಕ್‌ ಬ್ರೋಕ ರೇಜ್‌ ಸಂಸ್ಥೆ “ಜೆರೋಧಾ’ ಸಹ ಸಂಸ್ಥಾಪಕ, ಕನ್ನಡಿಗ ನಿತಿನ್‌ ಕಾಮತ್‌ ಒಂದೂವರೆ ತಿಂಗಳ ಹಿಂದೆ ಲಘು ಪಾರ್ಶ್ವವಾಯುವಿಗೆ ತುತ್ತಾಗಿದ್ದರು. ಈ ಬಗ್ಗೆ ಸ್ವತಃ ಕಾಮತ್‌ ಅವರೇ ಮಾಹಿತಿ ನೀಡಿದ್ದಾರೆ. “ಪಾರ್ಶ್ವವಾಯುವಿನಿಂದ ಮುಖ ಜೋಲು ಬಿದ್ದಿತ್ತು. ಓದಲು, ಬರೆಯಲು ಸಮಸ್ಯೆಯಾಗಿತ್ತು. ಸಂಪೂರ್ಣ ಚೇತರಿಸಿಕೊಳ್ಳಲು 3-6 ತಿಂಗಳು ಬೇಕಾಗಬಹುದು. “ತಂದೆಯನ್ನು ಕಳೆದುಕೊಂಡ ನೋವು, ಒತ್ತಡ ದಿಂದಾಗಿ ನನಗೆ ಹೀಗಾಗಿರಬಹುದು ಎಂದು ವೈದ್ಯರು ತಿಳಿಸಿದ್ದಾರೆ’ ಎಂದಿದ್ದಾರೆ.