ಯೋಧ ಹುತಾತ್ಮ,ಮಸೂದ್‌ ಅಳಿಯ ಸಹಿತ 3 JeM ಉಗ್ರರ ಹತ್ಯೆ

ಶ್ರೀನಗರ : ಪುಲ್ವಮಾದಲ್ಲಿ ಸೇನಾ ಪಡೆಗಳು ಸೋಮವಾರ ರಾತ್ರಿಯಿಂದ ಉಗ್ರರೊಂದಿಗೆ ನಡೆಸಿದ ಭೀಕರ ಗುಂಡಿನ ಚಕಮಕಿಯಲ್ಲಿ ಯೋಧರೊಬ್ಬರು ಹುತಾತ್ಮರಾಗಿದ್ದು, ಜೈಷ್‌-ಎ-ಮೊಹಮದ್‌ ಉಗ್ರ ಸಂಘಟನೆಯ ಮುಖ್ಯಸ್ಥ ಮಸೂದ್‌ ಅಜರ್‌ ನ ಸೋದರಳಿಯ ಸಹಿತ ಮೂವರು ಪ್ರಮುಖ ಉಗ್ರರನ್ನು ಹತ್ಯೆಗೈಯಲಾಗಿದೆ. 

ಹತ್ಯೆಗೀಡಾದ ಉಗ್ರರು ಮಸೂದ್‌ನ ಸೋದರಳಿಯ ತಲ್‌ಹಾ ರಶೀದ್‌ ಎನ್ನುವವನಾಗಿದ್ದು ಇನ್ನಿಬ್ಬರು ಸ್ಥಳೀಯ ಕಮಾಂಡರ್‌ಗಳಾಗಿದ್ದ ಮೊಹಮದ್‌ ಭಾಯಿ , ವಾಸಿಮ್‌ ಗನಾಯಿ ಎಂದು ಗುಪ್ತನಾಮ ಹೊಂದಿದ್ದರು ಎಂದು ಸೇನಾ ಮೂಲಗಳು ತಿಳಿಸಿವೆ.

ಕಟ್ಟಡವೊಂದರಲ್ಲಿ ಉಗ್ರರು ಅಡಗಿದ್ದು ಖಚಿತ ಮಾಹಿತಿಯ ಮೇರೆಗೆ ಸೇನಾ ಪಡೆ ಕಾರ್ಯಾಚರಣೆಗಿಳಿದಿತ್ತು.

ಕೆಲದಿನಗಳ ಹಿಂದೆ ರಾಜಪೋರಾದ ಪೊಲೀಸ್‌ ಪೋಸ್ಟ್‌ ಮೇಲೆ ನಡೆದ ದಾಳಿಯಲ್ಲಿ ಹತ್ಯೆಗೀಡಾದ ಮೂವರ ಪಾತ್ರವಿತ್ತು ಎನ್ನಲಾಗಿದೆ.