ಅಮೆಜಾನ್‌ ಒಡೆಯ ಜೆಫ್ ಜಗತ್ತಿನ ಶ್ರೀಮಂತ ವ್ಯಕ್ತಿ!

ವಾಷಿಂಗ್ಟನ್‌: ಆನ್‌ಲೈನ್‌ ರೀಟೇಲ್‌ ಕ್ಷೇತ್ರದ ದಿಗ್ಗಜ ಕಂಪೆನಿ ಅಮೆಜಾನ್‌ ಸಂಸ್ಥಾಪಕ ಜೆಫ್ ಬೆಜೋಸ್‌, ಮೈಕ್ರೊಸಾಫ್ಟ್ ಒಡೆಯ ಬಿಲ್‌ ಗೇಟ್ಸ್‌ರನ್ನು ಹಿಂದಿಕ್ಕಿ ಜಗತ್ತಿನ ಅತಿ ಶ್ರೀಮಂತ ವ್ಯಕ್ತಿ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಗುರುವಾರ ಅಮೆಜಾನ್‌ನ ಷೇರುಗಳ ಬೆಲೆಯಲ್ಲಾದ ಏರಿಕೆಯಿಂದಾಗಿ ಜೆಫ್ ಈ ಸಾಧನೆ ಮಾಡಿದ್ದಾರೆ ಎಂದು ಹೇಳಲಾಗಿದೆ.

ಗುರುವಾರ ಬೆಳಗ್ಗೆ 9.30ರ ವೇಳೆಗೆ ಅಮೆಜಾನ್‌ ಷೇರುಗಳ ಬೆಲೆಯಲ್ಲಿ ಶೇ.1.8ರಷ್ಟು ಹೆಚ್ಚಳವಾಗಿ, ಒಂದು ಷೇರಿನ ಬೆಲೆ 68,724 ರೂ. ತಲುಪಿತ್ತು. ಈ ಏರಿಕೆಯ ನೆರವಿನಿಂದಾಗಿ ಜೆಫ್ ಬ್ಲೂಂಬರ್ಗ್‌ ಬಿಲೇನಿಯರ್ ಇಂಡೆಕ್ಸ್‌ನಲ್ಲಿ ಅಗ್ರ ಸ್ಥಾನ ಅಲಂಕರಿಸಿದರು. ಶ್ರೀಮಂತ ವ್ಯಕ್ತಿ ಎನಿಸಿಕೊಂಡಿರುವ ಬಿಲ್‌ ಗೇಟ್ಸ್‌ರನ್ನು ಜೆಫ್ ಹಿಂದಿಕ್ಕಿರುವುದು ಇದೇ ಮೊದಲು.