ಜಯಾ ನಿಧನ: ದಿನಕರನ್‌ ಸೇರಿ ನಾಲ್ವರಿಗೆ ನೋಟಿಸ್‌

ಚೆನ್ನೈ: ತಮಿಳುನಾಡು ಮಾಜಿ ಸಿಎಂ ಜಯಲಲಿತಾ ಮರಣದ ಬಗ್ಗೆ ತನಿಖೆ ನಡೆಸುತ್ತಿರುವ ಏಕ ಸದಸ್ಯ ತನಿಖಾ ಆಯೋಗ ಮಂಗಳವಾರ ಎಐಡಿಎಂಕೆ ಬಂಡಾಯ ನಾಯಕ ಟಿಟಿವಿ ದಿನಕರನ್‌ ಮತ್ತು ಇತರ ನಾಲ್ವರಿಗೆ ನೋಟಿಸ್‌ ಜಾರಿ ಮಾಡಿದೆ. ಜಯಲಲಿತಾರನ್ನು ಆಸ್ಪತ್ರೆಗೆ ದಾಖಲಿಸಿದ್ದು ಮತ್ತು ಚಿಕಿತ್ಸೆ ಕುರಿತು ಮಾಹಿತಿ ನೀಡುವಂತೆ ನೋಟಿಸ್‌ನಲ್ಲಿ ಕೋರಲಾಗಿದೆ. ಬಂಧನದಲ್ಲಿರುವ ಎಐಡಿಎಂಕೆ ನಾಯಕಿ ವಿ.ಕೆ. ಶಶಿಕಲಾರ ಸೋದರ ಸೊಸೆ ಕೃಷ್ಣ ಪ್ರಿಯಾ ಮತ್ತು ಅಪೋಲೊ ಆಸ್ಪತ್ರೆ ಅಧ್ಯಕ್ಷ ಪ್ರತಾಪ್‌ ಸಿ. ರೆಡ್ಡಿ ಅವರಿಗೂ ನೋಟಿಸ್‌ ನೀಡಲಾಗಿದೆ. ಜಯಾ ಸೋದರಸೊಸೆ ದೀಪಾ ಹೇಳಿಕೆಯನ್ನು ಈ ಮೊದಲೇ ಆಯೋಗ ದಾಖಲಿಸಿಕೊಂಡಿದೆ.