ಜಾವಲಿನ್‌ ಎಸೆತ ದುರಂತ: ಕುತ್ತಿಗೆಗೆ ಈಟಿ ಚುಚ್ಚಿ ವಿದ್ಯಾರ್ಥಿ ಬಲಿ 

ಹಾವೇರಿ: ಶಾಲೆಯಲ್ಲಿ ಈಟಿ ಎಸೆತ ಅಭ್ಯಾಸ ನಡೆಸುತ್ತಿದ್ದ ವೇಳೆ 10 ನೇ ತರಗತಿ ವಿದ್ಯಾರ್ಥಿಯೊಬ್ಬ ಸಾವನ್ನಪ್ಪಿದ ದುರಂತ ಬುಧವಾರ ನಡೆದಿದೆ. 

ಬ್ಯಾಡಗಿಯ ಕರೂಡಿ ಗ್ರಾಮದ ಸರ್ಕಾರಿ ಪ್ರೌಢ ಶಾಲೆಯಲ್ಲಿ  ಮಂಗಳವಾರ ಅವಘಡ ಸಂಭವಿಸಿದ್ದು , 10 ನೇ ತರಗತಿಯ ವಿದ್ಯಾರ್ಥಿಯ ಕುತ್ತಿಗೆಗೆ ಇನ್ನೋರ್ವ ವಿದ್ಯಾರ್ಥಿ ಎಸೆದಿದ್ದ ಈಟಿ ಚುಚ್ಚಿಕೊಂಡಿತ್ತು, ತಕ್ಷಣ ಆತನನ್ನು ಹುಬ್ಬಳ್ಳಿಯ ಕಿಮ್ಸ್‌ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. 

ಗಂಭೀರ ಸ್ಥಿತಿಯಲ್ಲಿದ್ದ ಮಲ್ಲಿಕ್‌ ಚಿಕಿತ್ಸೆ ಫ‌ಲಕಾರಿಯಾಗದೆ ಬುಧವಾರ ಕೊನೆಯುಸಿರೆಳೆದಿದ್ದಾನೆ. 

ಬ್ಯಾಡಗಿ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.