ನಿಧಾನಗತಿ ಬೌಲಿಂಗ್: ಜೇಸನ್ ಹೋಲ್ಡರ್ ಗೆ ಒಂದು ಪಂದ್ಯ ನಿಷೇಧ

ಸೈಂಟ್ ಲೂಸಿಕಾ: ಬಹಳ ವರ್ಷಗಳ ನಂತರ ಸರಣಿ ಗೆದ್ದ ನಂತರ ಖುಷಿಯಲ್ಲಿರುವ ವೆಸ್ಟ್ ಇಂಡೀಸ್ ಗೆ ಶಾಕ್ ಎದುರಾಗಿದೆ. ನಿಧಾನ ಗತಿಯ ಬೌಲಿಂಗ್ ಕಾರಣದಿಂದ ನಾಯಕ ಜೇಸನ್ ಹೋಲ್ಡರ್ ಗೆ ಒಂದು ಅಂತಾರಾಷ್ಟ್ರೀಯ ಪಂದ್ಯ ನಿಷೇಧ ಹೇರಲಾಗಿದೆ. 

ಆಂಟಿಗುವಾದಲ್ಲಿ ಇಂಗ್ಲೆಂಡ್ ವಿರುದ್ಧ ನಡೆದ ದ್ವಿತೀಯ ಟೆಸ್ಟ್ ಪಂದ್ಯವನ್ನು ವಿಂಡೀಸ್ ಹತ್ತು ವಿಕೆಟ್ ಗಳಿಂದ ವಿಜಯಿಯಾಗಿತ್ತು. ಆದರೆ ಈ ಪಂದ್ಯದಲ್ಲಿ ಓವರ್ ರೇಟ್ ನಿಯಮ ಪಾಲಿಸಿಲ್ಲ ಎಂಬ ಕಾರಣಕ್ಕೆ ನಾಯಕ ಹೋಲ್ಡರ್ ಗೆ ನಿಷೇಧ ಶಿಕ್ಷೆ ವಿಧಿಸಿಲಾಗಿದೆ. 

ಜೇಸನ್ ಹೋಲ್ಡರ್ ಬದಲಿಗೆ ನಾಯಕತ್ವದ ಜವಬ್ಧಾರಿ ಕ್ರೇಗ್ ಬ್ರಾಥ್ ವೇಟ್ ವಹಿಸಲಿದ್ದಾರೆ. ಬ್ರಾಥ್ ವೇಟ್ ಈಗಾಗಲೇ ನಾಲ್ಕು ಟೆಸ್ಟ್ ಪಂದ್ಯದಲ್ಲಿ ಕೆರೀಬಿಯನ್ ತಂಡ ಮುನ್ನಡೆಸಿದ ಅನುಭವ ಹೊಂದಿದ್ದಾರೆ. 

ಹೋಲ್ಡರ್ ನಿಧಾನ ಗತಿಯ ಬೌಲಿಂಗ್ ಧಾರಣೆಗಾಗಿ ನಿಷೇಧ ಶಿಕ್ಷೆ ಅನುಭವಿಸುತ್ತಿರುವುದು ಇದೇ ಮೊದಲೇನಲ್ಲ.
ಇದಕ್ಕೂ ಮೊದಲು 2017ರಲ್ಲಿ ನ್ಯೂಜಿಲ್ಯಾಂಡ್ ವಿರುದ್ಧ ಕೂಡಾ ಇದೇ ಕಾರಣಕ್ಕೆ ಶಿಕ್ಷೆ ಅನುಭವಿಸದ್ದರು. 
ಪ್ರವಾಸಿ ಇಂಗ್ಲೆಂಡ್ ವಿರುದ್ಧದ ಸರಣಿಯನ್ನು ಈಗಾಗಲೇ ಗೆದ್ದಿರುವ ವೆಸ್ಟ್ ಇಂಡೀಸ್ ಅಂತಿಮ ಪಂದ್ಯವನ್ನು ಫೆಭ್ರವರಿ 9 ರಂದು ಸೈಂಟ್ ಲೂಸಿಕಾದಲ್ಲಿ ನಡೆಯಲಿದೆ.