ಮಲ್ಲಿಗೆ ದರ ಗರಿಷ್ಠ ಕುಸಿತ; ಅಟ್ಟೆಗೆ 90 ರೂ.!

ಶಿರ್ವ: ಶಂಕರಪುರ ಮಲ್ಲಿಗೆಯ ದರದಲ್ಲಿ ಭಾರೀ ಇಳಿಕೆ ಕಂಡಿದ್ದು, ಮಂಗಳವಾರ ಅಟ್ಟೆಗೆ ಕಟ್ಟೆಯಲ್ಲಿ 90 ರೂ.ಗೆ ತಲುಪಿದೆ. ಜೂ. 15ರಂದು ಅಟ್ಟೆಗೆ 260 ರೂ. ಇದ್ದ ದರ ರವಿವಾರ ಮತ್ತು ಸೋಮವಾರ ಇಳಿಕೆ ಕಂಡು 110 ರೂ.ಗೆ ತಲುಪಿತ್ತು, ಮಂಗಳವಾರ ಈ ವರ್ಷದ ಕನಿಷ್ಠ ದರ 90 ರೂ.ಗೆ ಕುಸಿದಿದೆ. ಜೂ.4ರಂದು ಅದು ತಿಂಗಳ ಅತ್ಯಧಿಕ ದರ 360 ರೂ. ದಾಖಲಿಸಿತ್ತು.
ಜಾತ್ರೆ, ಉತ್ಸವ, ಶುಭ ಸಮಾರಂಭಗಳು ಕಡಿಮೆಯಾಗಿದ್ದು ಬಿಸಿಲಿನೊಂದಿಗೆ ಮಳೆ ಬಂದರೆ ಹೂವಿಗೆ ಉತ್ಪಾದನೆ ಹೆಚ್ಚಾಗಿ ಬೇಡಿಕೆ ಕಡಿಮೆಯಾಗಿ ದರ ಕುಸಿತ ಉಂಟಾಗುತ್ತದೆ.