ಡೆಲಿವರಿ ಬಾಯ್‌ ಕೆಲಸದಲ್ಲಿ ಒಲಿಂಪಿಯನ್‌!

ಟೋಕಿಯೊ: ಲಾಕ್‌ಡೌನ್‌ನಿಂದಾಗಿ ಒಲಿಂಪಿಕ್ಸ್‌ ಕ್ರೀಡಾಪಟುಗಳ ಅಭ್ಯಾಸಕ್ಕೆ ಬ್ರೇಕ್‌ ಬಿದ್ದಿದೆ.

ಆದರೆ ಕೆಲವೆಡೆ ಕ್ರೀಡಾಳುಗಳು ಇತರ ಚಟುವಟಿಕೆಗಳಲ್ಲಿ ತಮ್ಮನ್ನು ತೊಡಗಿಸಿಕೊಂಡು ಸಮಯವನ್ನು ಸದುಪಯೋಗಪಡಿಸಿಕೊಳ್ಳುತ್ತಿದ್ದಾರೆ. ಇವರಲ್ಲಿ ಜಪಾನಿನ ಅಗ್ರಮಾನ್ಯ ಫೆನ್ಸರ್‌ ರಿಯೊ ಮಿಯಾಕೆ ಕೂಡ ಒಬ್ಬರು.

ಇವರೀಗ ವಿರಾಮದ ವೇಳೆ ಸೈಕಲ್‌ ಏರಿ ಆನ್‌ಲೈನ್‌ ಆಹಾರ ಸರಬರಾಜು ಮಾಡಿ ಹಣ ಸಂಪಾದನೆ ಮಾಡುತ್ತಿದ್ದಾರೆ. 29ರ ಹರೆಯದ ಮಿಯಾಕೆ 2012ರ ಲಂಡನ್‌ ಒಲಿಂಪಿಕ್ಸ್‌ ತಂಡ ಸ್ಪರ್ಧೆಯಲ್ಲಿ ಬೆಳ್ಳಿ ಪದಕ ಗೆದ್ದ ಹೆಗ್ಗಳಿಕೆ ಹೊಂದಿದ್ದಾರೆ.