Helicopter service: ಜಮ್ಮು- ವೈಷ್ಣೋದೇವಿ ಹೆಲಿಕಾಪ್ಟರ್‌ ಸೇವೆ ಆರಂಭ

ಜಮ್ಮು: ಪ್ರಸಿದ್ಧ ವೈಷ್ಣೋದೇವಿ ಕ್ಷೇತ್ರಕ್ಕೆ ಜಮ್ಮುವಿನಿಂದ ಹೆಲಿಕಾಪ್ಟರ್‌ ಸೇವೆ ಆರಂಭಿಸಲಾಗಿದೆ ಎಂದು ವೈಷ್ಣೋ ದೇವಿ ಮಂದಿರ ಮಂಡಳಿಯ ಅಧಿಕಾರಿ ಅಂಶುಲ್‌ ಗರ್ಗ್‌ ತಿಳಿಸಿದ್ದಾರೆ.

ಇದರಿಂದ ಒಂದೇ ದಿನದಲ್ಲಿ ಯಾತ್ರಿಕರು ವೈಷ್ಣೋ ದೇವಿ ದರ್ಶನ ಪಡೆದು ಮರಳಿ ಬರಬಹುದು. ಹೆಲಿಕಾಪ್ಟರ್‌ ಸೇವೆಯಲ್ಲಿ 2 ಪ್ಯಾಕೇಜ್‌ಗಳಿವೆ. ಒಂದೇ ದಿನದಲ್ಲಿ ಹೋಗಿ ಬರಲು ತಲಾ 35 ಸಾವಿರ ರೂ. ಹಾಗೂ 2 ದಿನಗಳ ಪ್ಯಾಕೇಜ್‌ಗೆ 60 ಸಾವಿರ ರೂ. ನಿಗದಿಪಡಿಸಲಾಗಿದೆ.

ಪ್ಯಾಕೇಜ್‌ನಲ್ಲಿ ಹೆಲಿಕಾಪ್ಟರ್‌, ಹೆಲಿಪ್ಯಾಡ್‌ನಿಂದ ಮಂದಿರಕ್ಕೆ ಬ್ಯಾಟರಿ ಕಾರ್‌, ಮಂದಿರ ದರ್ಶನ, ಭೈರವ್‌ ಮಂದಿರಕ್ಕೆ ರೋಪ್‌ವೇ ಟಿಕೆಟ್‌ ದರವೂ ಒಳಗೊಂಡಿದೆ ಎಂದು ಗರ್ಗ್‌ ತಿಳಿಸಿದ್ದಾರೆ.