ಒಳನುಸುಳುತ್ತಿದ್ದ 7 ಉಗ್ರರ ಸದೆಬಡಿದ ಸೇನೆ

ಶ್ರೀನಗರ: ಜಮ್ಮು ಮತ್ತು ಕಾಶ್ಮೀರದ ಕುಪ್ವಾರಾದ ಕೆರನ್‌ನಲ್ಲಿ ಭಾರತದ ಗಡಿಯೊಳಕ್ಕೆ ನುಸುಳುತ್ತಿದ್ದ ಉಗ್ರರನ್ನು ಗಡಿ ಭದ್ರತಾ ಪಡೆಗಳು ಸದೆ ಬಡಿದಿವೆ.

ಪಾಕಿಸ್ಥಾನದ ಬಾರ್ಡರ್‌ ಆಕ್ಷನ್‌ ಟೀಂ (ಬ್ಯಾಟ್‌)ಗೆ ಸೇರಿದವರು ಇವರಾಗಿದ್ದಾರೆ ಎನ್ನಲಾಗಿದೆ. ಸ್ಥಳದಲ್ಲಿ ಭಾರತ-ಪಾಕ್‌ ಮಧ್ಯೆ ಭಾರೀ ಗುಂಡಿನ ಚಕಮಕಿ ನಡೆಯುತ್ತಿದೆ. ಈ ಕಾರಣದಿಂದ ಮೃತ ಉಗ್ರರ ದೇಹ ನಿಯಂತ್ರಣ ರೇಖೆಯಲ್ಲೇ ಬಿದ್ದುಕೊಂಡಿದೆ. ಅದನ್ನು ಯಾವುದೇ ಪಡೆಗಳು ಮುಟ್ಟಲು ಹೋಗಿಲ್ಲ ಎನ್ನಲಾಗಿದೆ.

ಕಳೆದ 36 ಗಂಟೆಗಳಲ್ಲಿ ಉಗ್ರರನ್ನು ಒಳ ಕಳಿಸಲು ಪಾಕಿಸ್ಥಾನದ ಪಡೆಗಳು ನಿರಂತರ ಯತ್ನ ಮಾಡುತ್ತಿದ್ದು, ಅಪ್ರಚೋದಿತ ದಾಳಿಯನ್ನೂ ನಡೆಸುತ್ತಿವೆ. ಜತೆಗೆ ಹೆಚ್ಚಿನ ಸಂಖ್ಯೆಯಲ್ಲಿ ಉಗ್ರರು ನುಸುಳಲು ತಯಾರಾಗಿದ್ದಾರೆ ಎಂದು ಗುಪ್ತಚರ ಮೂಲಗಳು ಹೇಳಿವೆ.