ಇಂದು ಜಗನ್‌ ಸಂಪುಟ ಸದಸ್ಯರಿಂದ ಪ್ರಮಾಣ ವಚನ ಸ್ವೀಕಾರ

ಅಮರಾವತಿ: ನೂತನವಾಗಿ ಪುನಾರಚನೆಗೊಂಡಿರುವ ಆಂಧ್ರಪ್ರದೇಶದ ಮುಖ್ಯಮಂತ್ರಿ ಜಗನ್‌ ರೆಡ್ಡಿಯವರ ಸಂಪುಟ ಸದಸ್ಯರು ಸೋಮವಾರ ಪ್ರಮಾಣ ವಚನ ಸ್ವೀಕರಿಸಲಿದ್ದಾರೆ.

25 ಸಚಿವರಿರುವ ಹೊಸ ಸಂಪುಟದಲ್ಲಿ 17 ಸದಸ್ಯರು ಪರಿಶಿಷ್ಟ ಜಾತಿ, ಪರಿಶಿಷ್ಟ ಪಂಗಡ ಹಾಗೂ ಹಿಂದುಳಿದ ವರ್ಗಗಳಿಗೆ ಸೇರಿದವರಾಗಿದ್ದಾರೆ. ಜಗನ್‌ ರವರ ಈ ಹಿಂದಿನ ಸಂಪುಟದಲ್ಲಿದ್ದ 11 ಹಿರಿಯ ಸಚಿವರನ್ನು ಹೊಸ ಸಂಪುಟ ದಲ್ಲಿ ಮುಂದುವರಿಸಲಾಗಿದೆ.

ಹಾಲಿ ಸಚಿವ ಸಂಪುಟ 2019ರ ಜೂ. 8ರಂದು ಅಧಿಕಾರಕ್ಕೆ ಬಂದಿತ್ತು. ಈಗ ಸರಕಾರಕ್ಕೆ ಎರಡೂವರೆ ವರ್ಷ ಪೂರ್ಣಗೊಂಡಿದೆ.