ಜಡ್ಕಲ್‌: ನಾಪತ್ತೆಯಾದ ಯುವಕನ ಮೃತದೇಹ ಕೊಳ್ಕೆಹೊಳೆಯಲ್ಲಿ ಪತ್ತೆ

ಕೊಲ್ಲೂರು: ಜಡ್ಕಲ್‌ ಗ್ರಾ.ಪಂ.ವ್ಯಾಪ್ತಿಯ ಕೊಳ್ಕೆಹೊಳೆ ಮೆಕ್ಕೆ ನಿವಾಸಿ ಮಂಜ ಅವರ ಪುತ್ರ ಸುರೇಶ (28) ಅವರು ಜು.24ರಿಂದ ನಾಪತ್ತೆಯಾಗಿದ್ದು, ಅವರ ಮೃತದೇಹ ಮೆಕ್ಕೆ ಸನಿಹದ ಸಳ್ಕೊಡಿನ ಹಾಸ್ಕಲ್‌ ಪಾರೆ ಬಳಿ ಹೊಳೆಯ ಪೊದೆಯಲ್ಲಿ ಜು. 29ರ ಸಂಜೆ ಪತ್ತೆಯಾಗಿದೆ.

ಮನೆಯಲ್ಲಿ ಮಲಗಿದ್ದಾತ ಬೆಳಗ್ಗೆ ನಾಪತ್ತೆಯಾದ ಬಗ್ಗೆ ಕೊಲ್ಲೂರು ಠಾಣೆಯಲ್ಲಿ ದೂರು ದಾಖಲಾಗಿತು.¤ ಮನೆಯವರು ಸಹಿತ ಪೊಲೀಸರು ವಿವಿದೆಢೆ ಶೋಧ ನಡೆಸಿದ್ದರೂ ಪತ್ತೆಯಾಗಿರಲಿಲ್ಲ. ಶನಿವಾರ ಸಂಜೆ ಮೆಕ್ಕೆ ಸನಿಹದ ಹೊಳೆಬದಿಯ ನಿವಾಸಿ ತೋಟದ ಕಡೆ ತೆರಳಿದ್ದಾಗ ಮೃತದೇಹ ಕಂಡು ಬಂದಿದ್ದು, ಅವರು ಕೊಲ್ಲೂರು ಪೊಲೀಸ್‌ ಠಾಣೆಗೆ ಮಾಹಿತಿ ನೀಡಿದರು. ಪೊಲೀಸರು ಸ್ಥಳಕ್ಕೆ ಆಗಮಿಸಿ, ಮರಣೋತ್ತರ ಪರೀಕ್ಷೆ ನಡೆಸಿ ವಾರಸುದಾರರಿಗೆ ಹಸ್ತಾಂತರಿಸಿದರು.