ಹಲಸು ಕೇರಳದ ಅಧಿಕೃತ ಹಣ್ಣು

ತಿರುವನಂತಪುರ: “ಉಂಡಾಗ ಮಾವು; ಹಸಿದಾಗ ಹಲಸು’ ನಾಣ್ಣುಡಿಯೇ ಹೇಳುವಂತೆ ಎರಡೂ ಹಣ್ಣುಗಳು ಆರೋಗ್ಯ ದಾಯಕ ಹಾಗೂ ಸದಾಕಾಲ ಬೇಡಿಕೆ ಇರು ವಂಥವು. ಈ ಪೈಕಿ ಹಲಸಿನ ಹಣ್ಣನ್ನು ಕೇರಳ ಸರಕಾರ ಅಧಿಕೃತವಾಗಿ ರಾಜ್ಯದ ಹಣ್ಣು ಎಂದು ಮಾ. 21 ಘೋಷಿಸಲಿದೆ.

ಕೇರಳ ಕೃಷಿ ಸಚಿವ ಸುನೀಲ್‌ಕುಮಾರ್‌ ಈ ಕುರಿತು ಮಾಹಿತಿ ನೀಡಿದ್ದು, “ರಾಜ್ಯದಲ್ಲಿ ನಾನಾ ಜಾತಿಯ ಹಲಸಿನ ಹಣ್ಣುಗಳನ್ನು ವಿಫ‌ುಲವಾಗಿ ಬೆಳೆಯಲಾಗುತ್ತದೆ. ಅದರಲ್ಲೂ ಕೇರಳದ ಹಲಸಿನ ಹಣ್ಣುಗಳು ವಿಶೇಷವಾಗಿರುತ್ತವೆ. ಪ್ರತಿವರ್ಷ ರಾಜ್ಯದಲ್ಲಿ ಕೋಟಿಗಟ್ಟಲೆ ಹಲಸಿನ ಹಣ್ಣುಗಳನ್ನು ಬೆಳೆಯುತ್ತಿರುವುದರಿಂದ ರಾಜ್ಯದ ಅಧಿಕೃತ ಹಣ್ಣನ್ನಾಗಿ ಘೋಷಿಸಲು ತೀರ್ಮಾನಿಸಲಾಗಿದೆ ಎಂದಿದ್ದಾರೆ.

ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಪ್ರಚಾರ: ಕೇರಳದ ಹಲಸಿನ ಹಣ್ಣಿನಲ್ಲಿ ವಿಶೇಷ ಗುಣ ಇದ್ದು, ದೇಶ ಮತ್ತು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಅದರ ಬಗ್ಗೆ ಪ್ರಚಾರ ನಡೆಸ ಲಾಗುತ್ತದೆ. ಅಧಿಕೃತ ಹಣ್ಣು ಎಂದು ಘೋಷಣೆ ಮಾಡುವುದರಿಂದ ವಾರ್ಷಿಕ 15 ಸಾವಿರ ಕೋಟಿ ರೂ. ಆದಾಯ ನಿರೀಕ್ಷಿಸಲಾಗುತ್ತಿದೆ ಎಂದಿದ್ದಾರೆ.