ಜಾಲತಾಣದಲ್ಲಿ ಝೌಲಿ ನೃತ್ಯ ವಿಡಿಯೋ ವೈರಲ್‌

ವಿಶ್ವದಲ್ಲೇ ಅತ್ಯಂತ ಕ್ಲಿಷ್ಟ ನೃತ್ಯ ಪ್ರಕಾರಗಳಲ್ಲಿ ಒಂದು ಎಂದು ಪರಿಗಣಿಸಲಾಗುವ ಝೌಲಿ ನೃತ್ಯವನ್ನು ವ್ಯಕ್ತಿಯೊಬ್ಬ ಸರಾಸಗಟಾಗಿ ನರ್ತಿಸುತ್ತಿರುವ ವಿಡಿಯೋ ಜಾಲತಾಣಗಳಲ್ಲಿ ಭಾರೀ ವೈರಲ್‌ ಆಗಿದೆ.

ಆಫ್ರಿಕಾದಲ್ಲಿ ಆಯೋಜಿಸಿದ್ದ ಸಾಂಸ್ಕೃತಿಕ ಕಾರ್ಯಕ್ರಮದಲ್ಲಿ ಈ ನೃತ್ಯ ಪ್ರಕಾರವನ್ನು ಪ್ರದರ್ಶಿಸಲಾಗಿದ್ದು, ಬಿರುಸಿನ ಹೆಜ್ಜೆಗಳಲ್ಲಿ ನರ್ತಿಸಿರುವ ವ್ಯಕ್ತಿಯ ಕಲೆಗೆ ನೆಟ್ಟಿಗರು ಶಹಬ್ಟಾಸ್‌ ಎಂದಿದ್ದಾರೆ. ಕೆಲವರು ಇದು ಅತ್ಯಂತ ವಿಭಿನ್ನ ನೃತ್ಯವೆಂದರೆ ಮತ್ತೂ ಹಲವರು ಅತ್ಯಂತ ಕ್ಲಿಷ್ಟವೆಂದು ಬಣ್ಣಿಸಿದ್ದಾರೆ.

ಆಫ್ರಿಕಾದ ಗುರೋ ಸಮುದಾಯದಲ್ಲಿ ಹೆಚ್ಚಾಗಿ ಅಭ್ಯಾಸ ಇರುವ ಈ ನೃತ್ಯ ಪ್ರಕಾರದಲ್ಲಿ ಧರಿಸುವ ಧಿರಿಸು ಕೂಡ ವಿಶಿಷ್ಟವಾಗಿದ್ದು, ಜಾಲತಾಣದಲ್ಲಿ ವೈರಲ್‌ ಆಗಿರುವ ವಿಡಿಯೋವನ್ನು 20 ಲಕ್ಷಕ್ಕೂ ಅಧಿಕ ಮಂದಿ ವೀಕ್ಷಿಸಿದ್ದಾರೆ.