ಬದರೀನಾಥ್‌, ಕೇದಾರನಾಥಕ್ಕೆ ಐಟಿಬಿಪಿ ಸಿಬಂದಿ ನಿಯೋಜನೆ

ಡೆಹ್ರಾಡೂನ್‌: ಚಳಿಗಾಲದ ಅವಧಿಯಲ್ಲಿ ಕೇದಾರನಾಥ ಮತ್ತು ಬದರೀನಾಥ ದೇಗುಲಗಳ ಸುತ್ತ ಇಂಡೋ-ಟಿಬೇಟನ್‌ ಬಾರ್ಡರ್‌ ಪೊಲೀಸ್‌(ಐಟಿಬಿಪಿ) ಸಿಬಂದಿಯನ್ನು ನಿಯೋಜಿಸಲಾಗಿದೆ.

ಅತೀ ಎತ್ತರದ ಪ್ರದೇಶಗಳಲ್ಲಿರುವ ಈ ದೇಗುಲಗಳಲ್ಲಿ ಚಳಿಗಾಲದಲ್ಲಿ ಬಹುತೇಕ ನಿರ್ಜನವಾಗುತ್ತದೆ. ಈ ಅವಧಿಯಲ್ಲಿ ಹಿಮಪಾತ ಹೆಚ್ಚಿರುವುದಿಂದ ಇಲ್ಲಿನ ಸ್ಥಳೀಯರು ಕಡಿಮೆ ಎತ್ತರ ಇರುವ ಪ್ರದೇಶಕ್ಕೆ ಸ್ಥಳಾಂತರವಾಗುತ್ತಾರೆ. ಇತ್ತೀಚೆಗೆ ಕೇದರನಾಥ ದೇಗುಲದ ಹೊರ ಗೋಡೆಯನ್ನು ಚಿನ್ನದ ತಗಡಿನಿಂದ ಆಲಂಕರಿಸಲಾ ಗಿದೆ.

ಅನಂತರ ಅಕ್ಟೋಬರ್‌ನಲ್ಲಿ ವಾಡಿಕೆಯಂತೆ ದೇಗುಲವನ್ನು ಮುಚ್ಚಲಾಯಿತು. ಇದೇ ರೀತಿ ಬದರೀನಾಥ್‌ ದೇಗುಲವನ್ನು ಪುನರ್‌ನವೀಕರಣಗೊಳಿಸಲಾಗುತ್ತಿದೆ.