IT; ತಾಳೆಯಾಗದ ತೆರಿಗೆ ಲೆಕ್ಕ ಪರಿಹಾರಕ್ಕಾಗಿ ಇಮೇಲ್‌ ಸೇವೆ ಆರಂಭ

ಹೊಸದಿಲ್ಲಿ: 2023-24ನೇ ಸಾಲಿನಲ್ಲಿ ತೆರಿಗೆ ಪಾವತಿ ಮಾಡುತ್ತಿರುವವರ ವ್ಯವಹಾರ, ತೆರಿಗೆ ಪಾವತಿ ನಡುವೆ ತಾಳೆಯಾಗದಿದ್ದರೆ ಅದನ್ನು ಪರಿಹರಿಸುವುದಕ್ಕಾಗಿ ಆದಾಯ ತೆರಿಗೆ ಇಲಾಖೆ ಇಮೇಲ್‌ ಮತ್ತು ಸಂದೇಶಗಳನ್ನು ಕಳುಹಿಸಲು ಆರಂಭಿಸಿದೆ.

ತೆರಿಗೆ ಪಾವತಿಯ ಬಗ್ಗೆ ಇ-ಕ್ಯಾಂಪೇನ್‌ ಆರಂಭಿಸಿರುವ ಕೇಂದ್ರ ನೇರ ತೆರಿಗೆ ಇಲಾಖೆ, ತಾಳೆಯಾಗದ ಲೆಕ್ಕವನ್ನು ಹೊಂದಿರುವ ವ್ಯಕ್ತಿ ಹಾಗೂ ಕಂಪೆನಿಗಳಿಗೆ ಅದನ್ನು ಸರಿಪಡಿಸುವುಕ್ಕಾಗಿ ಈ ಸಂದೇಶಗಳನ್ನು ಕಳುಹಿಸಲು ಆರಂಭಿಸಿದೆ.
ಹಣಕಾಸು ವ್ಯವಹಾರಗಳು ಮತ್ತು ತೆರಿಗೆ ಪಾವತಿ ನಡುವೆ ತಾಳೆಯಾಗದ ಲೆಕ್ಕ ಹೊಂದಿರುವ ವ್ಯಕ್ತಿಗಳು ಮತ್ತು ಸಂಸ್ಥೆಗಳಿಗೆ ಮಾತ್ರ ಈ ಸಂದೇಶಗಳನ್ನು ಕಳುಹಿಸಲಾಗುತ್ತಿದೆ ಎಂದು ಐಟಿ ಇಲಾಖೆ ಹೇಳಿದೆ.