ವಿಶ್ವಕಪ್‌ ಶೂಟಿಂಗ್‌ : ಬೆಳ್ಳಿ ಗೆದ್ದ ಸ್ವಪ್ನಿಲ್‌ ಕುಸಾಲೆ

ಬಾಕು (ಆಜರ್‌ಬೈಜಾನ್‌): ಇಲ್ಲಿ ನಡೆಯುತ್ತಿರುವ ಐಎಸ್‌ಎಸ್‌ಎಫ್ ವಿಶ್ವಕಪ್‌ ಶೂಟಿಂಗ್‌ನಲ್ಲಿ ಭಾರತದ ಸ್ವಪ್ನಿಲ್‌ ಕುಸಾಲೆ ಮೊದಲ ಪದಕ ಗೆದ್ದ ಸಾಧನೆಗೈದಿದ್ದಾರೆ. ಪುರು ಷರ 50 ಮೀ. ರೈಫ‌ಲ್‌ 3ಪಿ ವಿಭಾಗದಲ್ಲಿ ಅವರು ಬೆಳ್ಳಿ ಪದಕ ಜಯಿಸಿದರು.

ಚಿನ್ನದ ಪದಕ ಸ್ಪರ್ಧೆಯಲ್ಲಿ ಸ್ವಪ್ನಿಲ್‌ ಕುಸಾಲೆ ರಿಯೋ ಒಲಿಂಪಿಕ್ಸ್‌ ಬೆಳ್ಳಿ ಪದಕ ವಿಜೇತ, ಉಕ್ರೇನಿನ ಸೆರಿಯ್‌ ಕುಲಿಶ್‌ ವಿರುದ್ಧ ಪರಾಭವಗೊಂಡರು. ಇದು ಐಎಸ್‌ಎಸ್‌ಎಫ್ ವಿಶ್ವಕಪ್‌ನಲ್ಲಿ ಸ್ವಪ್ನಿಲ್‌ ಗೆದ್ದ ಮೊದಲ ವೈಯಕ್ತಿಕ ಪದಕ. ಕುಲಿಶ್‌ 411 ಅಂಕ ಗಳಿಸಿದರೆ, ಸ್ವಪ್ನಿಲ್‌ 409.1 ಅಂಕ ಸಂಪಾದಿಸಿದರು. ಫಿನ್ಲಂಡಿನ ಅಲೆಕ್ಸಿ ಕಂಚು ಜಯಿಸಿದರು (407.8).

ಇದಕ್ಕೂ ಮೊದಲಿನ ಅರ್ಹತಾ ಸುತ್ತಿನ ಸ್ಪರ್ಧೆಯಿಂದಲೂ ಕುಲಿಶ್‌ ಮತ್ತು ಸ್ವಪ್ನಿಲ್‌ ಒಂದು-ಎರಡನೇ ಸ್ಥಾನ ವನ್ನೇ ಕಾಯ್ದುಕೊಂಡು ಬಂದಿದ್ದರು. ಭಾರತದ 12 ಸದಸ್ಯರ ತಂಡ ಒಂದು ಚಿನ್ನ, ಒಂದು ಬೆಳ್ಳಿ ಪದಕದೊಂದಿಗೆ 5ನೇ ಸ್ಥಾನದಲ್ಲಿದೆ.