ಉಪಗ್ರಹ ಉಡಾವಣೆ ವಿಫ‌ಲ

ಶ್ರೀಹರಿಕೋಟಾ: ಉಡಾವಣಾ ವಾಹಕ ಪಿಎಸ್‌ಎಲ್‌ವಿ ಸಿ-39ದಲ್ಲಿ ಉಂಟಾದ ತಾಂತ್ರಿಕ ದೋಷದಿಂದಾಗಿ ಬೆಂಗಳೂರಿನ ಖಾಸಗಿ ಸಂಸ್ಥೆ 8 ತಿಂಗಳ ಕಾಲ ನಿರ್ಮಿಸಿದ ಉಪಗ್ರಹ ಮತ್ತು ಇಸ್ರೋದ ಹವಾಮಾನ ಸಂಬಂಧಿ ಉಪಗ್ರಹ ಐಆರ್‌ಎನ್‌ಎಸ್‌ಎಸ್‌- 1ಎಚ್‌ ಉಡಾವಣೆ ವಿಫ‌ಲವಾಗಿದೆ. 

4ನೇ ಹಂತದಲ್ಲಿ ಹೀಟ್‌ ಶೀಲ್ಡ್‌ನಿಂದ ಉಪಗ್ರಹ ಪ್ರತ್ಯೇಕಗೊಳ್ಳಲಿಲ್ಲ ಎಂದು ಇಸ್ರೋ ಅಧ್ಯಕ್ಷ ಕಿರಣ್‌ಕುಮಾರ್‌ ತಿಳಿಸಿದ್ದಾರೆ. ಐಆರ್‌ಎನ್ನೆಸ್ಸೆಸ್‌- 1ಎಚ್‌ ಅನ್ನು ಬೆಂಗಳೂರಿನ ಅಲ್ಫಾ ಡಿಸೈನ್‌ ಟೆಕ್ನಾಲಜಿ ಸಂಸ್ಥೆ ನಿರ್ಮಿಸಿತ್ತು. ಇದೇ ಮೊದಲ ಬಾರಿ ಖಾಸಗಿ ಸಹಭಾಗಿತ್ವದಲ್ಲಿ ಇಸ್ರೋ ಉಪಗ್ರಹ ಜೋಡಣೆ ಪ್ರಕ್ರಿಯೆ ನಡೆಸಿತ್ತು.