ಹೊಸ ದಿನಾಂಕ ಘೋಷಣೆ; ಜುಲೈ 22ರ ಮಧ್ಯಾಹ್ನ ಚಂದ್ರಯಾನ 2 ಉಡ್ಡಯನ

ನವದೆಹಲಿ:ತಾಂತ್ರಿಕ ಕಾರಣಗಳಿಂದಾಗಿ ಮುಂದೂಡಲ್ಪಟ್ಟಿದ್ದ “ಚಂದ್ರಯಾನ-2” ಜುಲೈ 22ರ  ಮಧ್ಯಾಹ್ನ 2.43ಕ್ಕೆ ಉಡಾವಣೆಯಾಗಲಿದೆ ಎಂದು ಇಸ್ರೋ ಗುರುವಾರ ಟ್ವೀಟ್ ಮೂಲಕ ತಿಳಿಸಿದೆ.

ಇಡೀ ಜಗತ್ತಿನ ಗಮನಸೆಳೆದಿದ್ದ ಭಾರತದ ಚಂದ್ರಯಾನ 2 ರಾಕೆಟ್ ಜುಲೈ 15ರ ಮುಂಜಾನೆ ಉಡ್ಡಯನವಾಗಬೇಕಿತ್ತು. ಆದರೆ ತಾಂತ್ರಿಕ ದೋಷದಿಂದಾಗಿ ಕೊನೆಯ ಕ್ಷಣದಲ್ಲಿ ಉಡಾವಣೆಯನ್ನು ಇಸ್ರೋ ಮುಂದೂಡಿತ್ತು.

ಇದೀಗ ರಾಕೆಟ್ ನಲ್ಲಿನ ದೋಷವನ್ನು ಸರಿಪಡಿಸಲಾಗಿದ್ದು, ಜುಲೈ 22ರ ಮುಂಜಾನೆ ಶ್ರೀಹರಿಕೋಟಾದ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದಿಂದ ಉಡಾವಣೆ ಮಾಡಲಾಗುವುದು ಎಂದು ತಿಳಿಸಿದೆ.