ISRO: ಬಾಹ್ಯಾಕಾಶ ಯೋಜನೆಯ ಪ್ರತಿ 1.ರೂ.ಗೂ ಭಾರತಕ್ಕೆ2.52 ರೂ. ಲಾಭ

ನವದೆಹಲಿ: ಬಾಹ್ಯಾಕಾಶಕ್ಕೆಂದು ವ್ಯಯಿಸಿದ ಪ್ರತಿ 1.ರೂಗೆ ಪ್ರತಿಯಾಗಿ ಭಾರತ 2.52 ರೂ. ಲಾಭ ಪಡೆದಿದೆ ಎಂದು ಇಸ್ರೋ ಮುಖ್ಯಸ್ಥ ಡಾ.ಎಸ್‌.ಸೋಮನಾಥ್‌ ಹೇಳಿದ್ದಾರೆ.

ಸಂದರ್ಶನವೊಂದರಲ್ಲಿ ಮಾತನಾಡಿದ ಅವರು, ಇಸ್ರೋ ವಾಣಿಜ್ಯಿಕವಾಗಿಯೂ ಉಪಗ್ರಹ ಉಡಾವಣೆಯಿಂದ ಲಾಭ ಪಡೆದಿದೆ ಎಂದರು 250ಕ್ಕೂ ಹೆಚ್ಚು ಬಾಹ್ಯಾಕಾಶ ಸ್ಟಾರ್ಟಪ್‌ಗ್ಳು ಭಾರತದ ಬಾಹ್ಯಾಕಾಶ ಕ್ಷೇತ್ರಕ್ಕೆ ನೆರವು ನೀಡಿವೆ.

2040ರ ವೇಳೆಗೆ ಚಂದ್ರನಂಗಳಕ್ಕೆ ಗಗನಯಾತ್ರಿಯನ್ನು ಕಳುಹಿಸುವ ಗುರಿ ಹೊಂದಿದ್ದೇವೆ. ಅದನ್ನು ಸಾಧಿಸುವ ನಿಟ್ಟಿನಲ್ಲಿ ಕೇಂದ್ರ ಸರ್ಕಾರ 31000 ಕೋಟಿ ರೂ. ದಾಖಲೆಯ ನೆರವು ನೀಡಿದೆ ಎಂದರು.

2035ರ ವೇಳೆಗೆ ಭಾರತೀಯ ಅಂತರಿಕ್ಷಾ ನಿಲ್ದಾಣ ಹೊಂದಲು ಇಸ್ರೋ ಉದ್ದೇಶಿಸಿದೆ ಎಂದು ಸೋಮನಾಥ್‌ ಹೇಳಿದ್ದಾರೆ.