ಚಂದ್ರಯಾನ ನೌಕೆಯ “ಕಕ್ಷೆ ಮರುಹೊಂದಾಣಿಕೆ’ಯಶಸ್ವಿ: ಇಸ್ರೋ

ಹೊಸದಿಲ್ಲಿ: ಚಂದ್ರನ ಕಕ್ಷೆಯನ್ನು ಪ್ರವೇಶಿಸಿರುವ ಚಂದ್ರಯಾನ-2ರ ಗಗನನೌಕೆಯನ್ನು ಕಕ್ಷೆಯ ಪರಿಧಿಯಲ್ಲೇ ಸುತ್ತುವಂತೆ ಮಾಡುವ ಪ್ರಕ್ರಿಯೆಯನ್ನು ಇಸ್ರೋ, ಬುಧವಾರ ಯಶಸ್ವಿಯಾಗಿ ಕೈಗೊಂಡಿದೆ.

ಮಧ್ಯರಾತ್ರಿ 12:50ಕ್ಕೆ ಸರಿಯಾಗಿ, ಗಗನನೌಕೆಯಲ್ಲಿರುವ ಪ್ರೊಪಲ್ಶನ್‌ ವ್ಯವಸ್ಥೆಯನ್ನು ಸುಮಾರು 1228 ಸೆಕೆಂಡ್‌ಗಳಷ್ಟು ಕಾಲ (20 ನಿಮಿಷ, 46 ಸೆಕೆಂಡ್‌) ಚಾಲನೆಗೊಳಿಸುವ ಮೂಲಕ ಗಗನನೌಕೆಯು ಚಂದ್ರನ ಕಕ್ಷೆ ಬಿಟ್ಟು ಕದಲದೆ ಅದೇ ಕಕ್ಷೆಯಲ್ಲೇ ಸುತ್ತುವಂತೆ ಮಾಡಲಾಯಿತು. ಇದರಿಂದಾಗಿ, ಗಗನನೌಕೆಯು ಈಗ ಚಂದ್ರನ 118 ಕಿ.ಮೀ.ನಿಂದ 4412 ಕಿ.ಮೀ. ಎತ್ತರದ ಕಕ್ಷೆಗೆ ಸರಿಹೊಂದಿಸಲಾಗಿದೆ ಎಂದು ಇಸ್ರೋ ಹೇಳಿದೆ. ಮುಂದಿನ ಇಂಥ ಚಟುವಟಿಕೆ ಆ. 28ರಂದು ಕೈಗೊಳ್ಳಲಾಗುತ್ತದೆ ಎಂದು ಇಸ್ರೋ ಹೇಳಿದೆ.