Gaza ಯುದ್ಧ ಅಂತ್ಯಕ್ಕೆ ಇಸ್ರೇಲ್‌ ಪ್ರಸ್ತಾವನೆ: ಬೈಡೆನ್‌

ವಾಷಿಂಗ್ಟನ್‌: 8 ತಿಂಗಳುಗಳಿಂದ ನಿರಂತರವಾಗಿ ನಡೆಯು ತ್ತಿರುವ ಇಸ್ರೇಲ್‌ ಹಾಗೂ ಹಮಾಸ್‌ ಉಗ್ರರ ನಡುವಿನ ಯುದ್ಧ ತೆರೆ ಕಾಣಲಿದ್ದು, ಎರಡೂ ಪಕ್ಷಗಳು ಶಾಂತಿ ಒಪ್ಪಂದಕ್ಕೆ ಮುಂದಾಗಿವೆ ಎಂದು ಅಮೆರಿಕ ಅಧ್ಯಕ್ಷ ಜೋ ಬೈಡೆನ್‌ ತಿಳಿಸಿದ್ದಾರೆ. ಮಾಧ್ಯಮಗಳೊಂದಿಗೆ ಮಾತನಾ ಡಿದ ಅವರು, ಶಾಂತಿ ಬಯಸುವ ಎಲ್ಲರೂ, ಅದಕ್ಕಾಗಿ ಧ್ವನಿ ಎತ್ತ ಬೇಕು. ಈ ಯುದ್ಧ ನಿಲ್ಲಬೇಕು ಎಂದಿದ್ದಾರೆ. 6 ವಾರಗಳ ಕಾಲ ಕದನ ವಿರಾಮ, ಹಮಾಸ್‌ನಿಂದ ಒತ್ತೆಯಾಳುಗಳ ಬಿಡುಗಡೆ, ಗಾಜಾದಿಂದ ಇಸ್ರೇಲ್‌ ಸೈನ್ಯದ ನಿರ್ಗಮನ ಹಾಗೂ ಧ್ವಂಸಗೊಂಡ ನಗರಗಳ ಮರು ನಿರ್ಮಾಣ ಮಾಡುವುದಾಗಿ ಇಸ್ರೇಲ್‌ ಒಪ್ಪಂದದಲ್ಲಿ ಪ್ರಸ್ತಾವಿಸಿದೆ ಎಂದವರು ಹೇಳಿದರು. ಸಂಪೂರ್ಣ ಶಾಂತಿ ಬಯಸಿದ್ದಾರೆ ಎಂದು ಬೈಡೆನ್‌ ತಿಳಿಸಿದ್ದಾರೆ.