Ratan Tata ನಿಧನಕ್ಕೆ ಇಸ್ರೇಲ್‌ ಪ್ರಧಾನಿ ನೆತನ್ಯಾಹು ಸಂತಾಪ

ಜೆರುಸಲೇಂ: ಭಾರತೀಯ ಕೈಗಾರಿಕೋದ್ಯಮ ದಿಗ್ಗಜ ರತನ್‌ ಟಾಟಾ ಅವರ ನಿಧನಕ್ಕೆ ಇಸ್ರೇಲ್‌ ಪ್ರಧಾನಿ ಬೆಂಜಮಿನ್‌ ನೆತನ್ಯಾಹು ಸಂತಾಪ ಸೂಚಿಸಿದ್ದಾರೆ. ಪ್ರಧಾನಿ ಮೋದಿ­ ಅವರನ್ನು ಉದ್ದೇಶಿಸಿ ಟ್ವೀಟ್‌ ಮಾಡಿರುವ ನೆತನ್ಯಾಹು, ಇಸ್ರೇಲ್‌-ಭಾರತ ಸಂಬಂಧ ಬೆಸೆಯುವಲ್ಲಿ ರತನ್‌ ಟಾಟಾ ಅವರ ಕೊಡುಗೆಯನ್ನು ಸ್ಮರಿಸಿದ್ದಾರೆ. ನನ್ನ ಸ್ನೇಹಿತ ಪ್ರಧಾನಿ ಮೋದಿ ಅವರೇ, ಭಾರತದ ಹೆಮ್ಮೆಯ ಪುತ್ರ ಮತ್ತು ಉಭಯ ರಾಷ್ಟ್ರಗಳ ನಡುವಿನ ಸ್ನೇಹದ ಚಾಂಪಿಯನ್‌ ಆಗಿದ್ದ ಟಾಟಾ ನಿಧನವು ಇಸ್ರೇಲ್‌ನ ಜನತೆಗೆ ದುಃಖ ತಂದಿದೆ ಎಂದಿದ್ದಾರೆ.