ದೈವನಿಂದನೆ: ಪಾಕ್‌ ಶಿಕ್ಷಕಿಗೆ ಗಲ್ಲು

ಇಸ್ಲಾಮಾಬಾದ್‌: ದೈವನಿಂದನೆ ಮಾಡಿದ ಆರೋಪಕ್ಕೆ ಗುರಿಯಾಗಿದ್ದ ಮುಖ್ಯೋಪಾಧ್ಯಾಯಿನಿಗೆ ಪಾಕಿಸ್ತಾನದ ಲಾಹೋರ್‌ನ ಸ್ಥಳೀಯ ಕೋರ್ಟ್‌ ಗಲ್ಲು ಶಿಕ್ಷೆ ವಿಧಿಸಿದೆ.

ಜತೆಗೆ 2,418 ರೂ. ದಂಡವನ್ನೂ ವಿಧಿಸಿದೆ. ಖಾಸಗಿ ಶಾಲೆಯ ಮುಖ್ಯೋಪಾಧ್ಯಾಯಿನಿ  ಸಲ್ಮಾ ತನ್ವೀರ್‌, 2013ರಲ್ಲಿ ದೈವನಿಂದನೆ ಮಾಡಿದ್ದರು ಎಂದು ಆರೋಪ ಮಾಡಲಾಗಿತ್ತು.

ಈ ವಿಚಾರವಾಗಿ ಲಾಹೋರ್‌ ಠಾಣೆಯಲ್ಲಿ  ದೈವ ನಿಂದನೆ ಪ್ರಕರಣ ದಾಖಲಿಸಲಾಗಿತ್ತು. ವಿಚಾರಣೆ ವೇಳೆ ಆಕೆಯ ವಕೀಲರು “ಕಕ್ಷಿದಾರೆ ಮಾನಸಿಕ ಅಸ್ವಸ್ಥೆ’ ಎಂದು ಸೂಚಿಸಿದ್ದ ವೈದ್ಯಕೀಯ ವರದಿ ಸಲ್ಲಿಕೆ ಮಾಡಿದ್ದರು. ತನಿಖೆಯ ವೇಳೆ ಅದು ಸುಳ್ಳೆಂದು ಸಾಬೀತಾಗಿದೆ.