ಐಸಿಸ್‌ ಜತೆ ಸಂಪರ್ಕ: ಕೇರಳ ವ್ಯಕ್ತಿ ಸೆರೆ

ನವದೆಹಲಿ: ಉಗ್ರ ಸಂಘಟನೆ ಐಸಿಸ್‌ ಜತೆ ಕಾನೂನು ಬಾಹಿರ ಚಟುವಟಿಕೆಯಲ್ಲಿ ತೊಡಗಿದ ಆರೋಪದ ಮೇಲೆ ಕೇರಳದ ಕಣ್ಣೂರು ನಿವಾಸಿಯನ್ನು ದೆಹಲಿಯಲ್ಲಿ ಬಂಧಿಸಲಾಗಿದೆ. ಶಹಜಹಾನ್‌ ವಲ್ಲುವ (32) ಬಂಧಿತ. ಇದೇ ಕಾರಣಕ್ಕಾಗಿ ಟರ್ಕಿಯಿಂದ ಆತ ಎರಡು ಬಾರಿ ಗಡಿಪಾರಿಗೂ ಒಳಗಾಗಿದ್ದ ಎಂದು ಪೊಲೀಸ‌ರು ತಿಳಿಸಿದ್ದಾರೆ. ಅಮೆರಿಕದ ಬೇಹುಗಾರಿಕೆ ಇಲಾಖೆ ಮತ್ತು ದೆಹಲಿ ವಿಶೇಷ ಪೊಲೀಸ್‌ ವೆಲ್ಲುವ ದೆಹಲಿಗೆ ಬರುತ್ತಿದ್ದಾನೆ ಎಂದು ನೀಡಿದ ಖಚಿತ ಮಾಹಿತಿ ಮೇರೆಗೆ ಜಾಗೃತರಾದ ಪೊಲೀಸರು ಬಂಧಿಸಿದ್ದಾರೆ.