ದಿಲ್ಲಿ ರಣಜಿ ತಂಡದಲ್ಲಿ ಇಶಾಂತ್‌, ಧವನ್‌

ಹೊಸದಿಲ್ಲಿ: ಹೈದರಾಬಾದ್‌ ವಿರುದ್ಧ ಡಿ. 25ರಿಂದ ಆರಂಭವಾಗಲಿರುವ ರಣಜಿ ಟ್ರೋಫಿ ಕ್ರಿಕೆಟ್‌ ಪಂದ್ಯಕ್ಕಾಗಿ ಇಶಾಂತ್‌ ಶರ್ಮ ಮತ್ತು ಶಿಖರ್‌ ಧವನ್‌ ಅವರನ್ನು ದಿಲ್ಲಿ ತಂಡಕ್ಕೆ ಸೇರಿಸಿಕೊಳ್ಳಲಾಗಿದೆ.

ಇದೇ ವೇಳೆ ಎಡಗೈ ಆರಂಭಕಾರ ಶಿಖರ್‌ ಧವನ್‌ ಭಾರತ ತಂಡಕ್ಕೂ ಮರಳಿದ್ದಾರೆ. ಶ್ರೀಲಂಕಾ ಮತ್ತು ಆಸ್ಟ್ರೇಲಿಯ ವಿರುದ್ಧದ ಸೀಮಿತ ಓವರ್‌ಗಳ ಸರಣಿಗಾಗಿ ಅವರನ್ನು ಆರಿಸಲಾಗಿದೆ. ಹೀಗಾಗಿ ರಣಜಿ ಆಡುವ ಮೂಲಕ ಧವನ್‌ ಅಭ್ಯಾಸ ನಡೆಸಬಹುದಾಗಿದೆ.