ಸದ್ಯದಲ್ಲೇ ಲಿಯಾಂಡರ್‌ ನಿವೃತ್ತಿ?

ಹೊಸದಿಲ್ಲಿ: ಭಾರತದ ವಿಶ್ವವಿಖ್ಯಾತ ಡಬಲ್ಸ್‌ ಟೆನಿಸಿಗ ಲಿಯಾಂಡರ್‌ ಪೇಸ್‌ ನಿವೃತ್ತಿ ಹೇಳುವರೇ? ಸ್ವತಃ ಪೇಸ್‌ ಆಡಿದ ಮಾತು ಇದನ್ನು ಪುಷ್ಟೀಕರಿಸುತ್ತದೆ.

ವರದಿಗಾರರೊಂದಿಗೆ ಮಾತನಾಡಿದ 46 ವರ್ಷದ ಪೇಸ್‌, “ನಾನು ಕಳೆದ 30 ವರ್ಷಗಳಿಂದ ಡೇವಿಸ್‌ ಕಪ್‌ ಆಡುತ್ತಿದ್ದೇನೆ. ದೇಶಕ್ಕಾಗಿ ಆಡುತ್ತ ಜೀವನ ಕಳೆದಿದ್ದೇನೆ. ಇನ್ನು ಬಹಳ ಕಾಲ ನನ್ನಿಂದ ಆಡಲು ಸಾಧ್ಯವಿಲ್ಲ. ಇನ್ನು ಒಂದು ವರ್ಷ ಆಡುತ್ತೇನೆನ್ನುವುದು ಸಾಧ್ಯವಿಲ್ಲದ ಮಾತು’ ಎಂದು ಹೇಳಿದ್ದಾರೆ.

“ಯುವ ಆಟಗಾರರನ್ನು ಬೆಳೆಸಬೇಕು. ಈಗಾಗಲೇ ನನಗೆ 46 ವರ್ಷವಾಗಿದೆ. ಹೊಸ ಪೀಳಿಗೆ ಒಳಬರುವುದಕ್ಕಾಗಿ, ನಾನು ಹೊರಗೆ ಹೋಗಲೇಬೇಕಾಗಿದೆ’ ಎಂದಿದ್ದಾರೆ. ಜತೆಗೆ ತಂಡ ಯಾವಾಗ ತನ್ನನ್ನು ಬಯಸಿದರೂ ಆಡಲು ಸಿದ್ಧವಿ ದ್ದೇನೆ ಎಂದೂ ಹೇಳಿದ್ದಾರೆ.ಡಬಲ್ಸ್‌ನಲ್ಲಿ 18 ಗ್ರ್ಯಾನ್‌ಸ್ಲಾéಮ್‌ ಗೆದ್ದಿರುವ ಪೇಸ್‌, ಅಟ್ಲಾಂಟಾ ಒಲಿಂಪಿಕ್ಸ್‌ ಸಿಂಗಲ್ಸ್‌ನಲ್ಲಿ ಕಂಚಿನ ಪದಕ ಜಯಿಸಿದ ಹೆಗ್ಗಳಿಕೆ ಹೊಂದಿದ್ದಾರೆ.