ಜಾಗತಿಕ, ಪ್ರಾದೇಶಿಕ ಸ್ಥಿರತೆಗೆ ಅಮೆರಿಕ ಗಂಭೀರ ಬೆದರಿಕೆ: ಇರಾನ್‌ ಅಧ್ಯಕ್ಷ ರೌಹಾನಿ

ಬಿಷ್‌ಕೆಕ್‌ : ಅತ್ತ ಕೊಲ್ಲಿ ಬಿಕ್ಕಟ್ಟು ತೀವ್ರಗೊಳ್ಳುತ್ತಿರುವಂತೆಯೇ ಇತ್ತ ಇರಾನ್‌ ಅಧ್ಯಕ್ಷ ಹಸನ್‌ ರೌಹಾನಿ ಅವರು ಇಲ್ಲೀಗ ಸಾಗುತ್ತಿರುವ ಎಸ್‌ಸಿಓ ಶೃಂಗದಲ್ಲಿ “ಅಮೆರಿಕವು ಜಾಗತಿಕ ಮತ್ತು ಪ್ರಾದೇಶಿಕ ಸ್ಥಿರತೆಗೆ ಗಂಭೀರ ಬೆದರಿಕೆಯಾಗಿ ಪರಿಣಮಿಸಿದೆ’ ಎಂದು ಆರೋಪಿಸಿದ್ದಾರೆ.

“ಅಮೆರಿಕ ಕಳೆದ ಎರಡು ವರ್ಷಗಳಿಂದ ತನ್ನ ಆರ್ಥಿಕ, ಹಣಕಾಸು ಮತ್ತು ಮಿಲಿಟರಿ ಸಂಪನ್ಮೂಲಗಳನ್ನು ಬಳಸಿಕೊಂಡು ಎಲ್ಲ ಅಂತಾರಾಷ್ಟ್ರೀಯ ನೀತಿ, ನಿಯಮಗಳ ಉಲ್ಲಂಘನೆ ಮಾಡುತ್ತಿದೆ; ಅಂತೆಯೇ ಅದು ಜಾಗತಿಕ ಮತ್ತು ಪ್ರಾದೇಶಿಕ ಸ್ಥಿರತೆಗೆ ಗಂಭೀರ ಅಪಾಯವಾಗಿ ಪರಿಣಮಿಸಿದೆ’ ಎಂದು ರೌಹಾನಿ ಅವರು ಭಾಷಾಂತರಿತ ಟೀಕೆಯಲ್ಲಿ ಹೇಳಿದರು.

ಚೀನ, ಭಾರತ ಮತ್ತು ರಶ್ಯವನ್ನು ಒಳಗೊಂಡ ಯುರೇಶ್ಯನ್‌ ಭದ್ರತಾ ಮೈತ್ರಿ ಕೂಟವಾಗಿರುವ ಶಾಂಘೈ ಸಹಕಾರ ಸಂಘಟನೆ (ಎಸ್‌ಸಿಓ) ಶೃಂಗದಲ್ಲಿ ರೌಹಾನಿ ಮಾತನಾಡುತ್ತಿದ್ದರು.