ವಿಡಿಯೋ : ಇರಾನ್ ದೇಶದಲ್ಲೂ ಫೇಮಸ್ ಆಗಿದೆ ಭಾರತದ ಈ ಸಿನಿಮಾ ಹಾಡು

ನವದೆಹಲಿ : ಇತ್ತೀಚೆಗೆ ಭಾರತೀಯ ಸಿನಿಮಾಗಳು ಪ್ರಪಂಚದಾದ್ಯಂತ ತೆರೆ ಕಾಣುತ್ತಿದ್ದು ಎಲ್ಲೆಲ್ಲೂ ನಮ್ಮ ದೇಶದ ಕಂಪು ಪಸರಿಸಿದೆ. ಇದೇ ಹಿನ್ನೆಲೆಯಲ್ಲಿ ಬಾಲಿವುಡ್ ಸಿನಿಮಾದ ಹಾಡೊಂದು ಇರಾನ್ ದೇಶದಲ್ಲಿ ತುಂಬಾ ಫೇಮಸ್ ಆಗಿದ್ದು, ಪಾರ್ಟಿ ಒಂದರಲ್ಲಿ ‘ಶೋಲೆ’ ಹಾಡಿಗೆ ಮಹಿಳೆಯೊಬ್ಬರು ಸಖತ್ ಸ್ಟೆಪ್ ಹಾಕಿದ್ದಾರೆ.

ಶೇರಿ ಎಂಬುವವರು ಈ ನೃತ್ಯದ ಕ್ಲಿಪ್ ಒಂದನ್ನು ತಮ್ಮ ಸೋಷಿಯಲ್ ಮೀಡಿಯಾ ಖಾತೆಯಲ್ಲಿ ಶೇರ್ ಮಾಡಿದ್ದಾರೆ. ಆ ವಿಡಿಯೋದಲ್ಲಿ ಮಹಿಳೆಯೊಬ್ಬರು ಹಸಿರು ಬಣ್ಣದ ಸೀರೆ ತೊಟ್ಟು ಡ್ಯಾನ್ಸ್ ಮಾಡಿದ್ದಾರೆ. ಮತ್ತೊಂದು ವಿಶೇಷ ಅಂದ್ರೆ ಶೋಲೆ ಸಿನಿಮಾದ ‘ಜಬ್ ತಕ್ ಹೇ’ ಹಾಡಿನಲ್ಲಿ ಬರುವ ಸನ್ನಿವೇಶವನ್ನು ಸೃಷ್ಟಿ ಮಾಡಿ ನೃತ್ಯ ಮಾಡಲಾಗಿದೆ.

ಶೋಲೆ ಸಿನಿಮಾದಲ್ಲಿ ಹೇಮ ಮಾಲಿನಿ ಈ ಹಾಡಿನಲ್ಲಿ ಹೆಜ್ಜೆ ಹಾಕಿದ್ದರು. ಅಲ್ಲದೆ ಆ ಚಿತ್ರದಲ್ಲಿ ಬಸಂತಿ ಪಾತ್ರದಲ್ಲಿ ಹೇಮ ಕಾಣಿಸಿಕೊಂಡಿದ್ದರು.