ಮುಂಬೈ, ಪಂಜಾಬ್‌ ಬಳಿಕ ಧವನ್‌ ಖರೀದಿಗೆ ಡೆಲ್ಲಿ ಯತ್ನ

ಹೈದರಾಬಾದ್‌: ಮುಂದಿನ ಆವೃತ್ತಿ ಐಪಿಎಲ್‌ ಟಿ20 ಕ್ರಿಕೆಟ್‌ ಕೂಟದಲ್ಲಿ ಶಿಖರ್‌ ಧವನ್‌ ಯಾವ ತಂಡದ ಪರ ಆಡುತ್ತಾರೆ ಎನ್ನುವುದು ಇನ್ನೂ ನಿರ್ಧಾರವಾಗಿಲ್ಲ. ಆಟಗಾರರ ಮಾರಾಟ ಪ್ರಕ್ರಿಯೆ ಆರಂಭವಾಗಿದ್ದು, ಸನ್‌ರೈಸರ್ ಹೈದರಾಬಾದ್‌ ಫ್ರಾಂಚೈಸಿ ಮಾಲಕರು ಧವನ್‌ ಮೇಲೆ ಆಸಕ್ತಿ ತೋರಿಲ್ಲ. 

ಮೊದಲು ಮುಂಬೈ ಇಂಡಿಯನ್ಸ್‌ ಧವನ್‌ ಅವರನ್ನು ಖರೀದಿಸುತ್ತದೆ ಎನ್ನುವ ಮಾತುಗಳು ಕೇಳಿ ಬಂದಿದ್ದವು. ಆದರೆ ಈ ಮಾತುಕತೆ ಅರ್ಧದಲ್ಲೇ ನಿಂತಿತು. ಬಳಿಕ ಬಾಲಿವುಡ್‌ ನಟಿ ಪ್ರೀತಿ ಜಿಂಟಾ ಒಡೆತನದ ಕಿಂಗ್ಸ್‌ ಇಲೆವೆನ್‌ ಪಂಜಾಬ್‌ ತಂಡ ಧವನ್‌ ಖರೀದಿಗೆ ಪ್ರಯತ್ನ ನಡೆಸಿತ್ತು. ಅದೂ ಕೂಡ ಸಫ‌ಲವಾಗಲಿಲ್ಲ. ಇದೀಗ ತವರು ತಂಡವಾದ ಡೆಲ್ಲಿ ಡೇರ್‌ ಡೆವಿಲ್ಸ್‌, ಧವನ್‌ ಖರೀದಿಗೆ ಪ್ರಯತ್ನ ನಡೆಸುತ್ತಿದೆ ಎನ್ನುವ ಮಾತುಗಳು ಕೇಳಿ ಬಂದಿವೆ. ಹಿಂದೆ ಸನ್‌ರೈಸರ್ 5.2 ಕೋಟಿ ರೂ. ನೀಡಿ ಧವನ್‌ ಅವರನ್ನು ಖರೀದಿಸಿತ್ತು.