IPL; ಜೇಮ್ಸ್‌ ಆ್ಯಂಡರ್ಸನ್‌ಗೆ ಆಡುವ ಆಸಕ್ತಿ

ಲಂಡನ್‌: ಇಂಗ್ಲೆಂಡ್‌ನ‌ ವೇಗಿ ಜೇಮ್ಸ್‌ ಆ್ಯಂಡರ್ಸನ್‌ ಮಂದಿನ ವರ್ಷ ಐಪಿಎಲ್‌ನಲ್ಲಿ ಪಾಲ್ಗೊಳ್ಳಲು ಆಸಕ್ತಿ ವ್ಯಕ್ತಪಡಿಸಿದ್ದಾರೆ. ಈ ಬಾರಿಯ ಐಪಿಎಲ್‌ ಹರಾಜು ಆಟಗಾರರ ಪಟ್ಟಿಯಲ್ಲಿ ಆ್ಯಂಡರ್ಸನ್‌ ಹೆಸರಿದೆ. ಹೀಗಾಗಿ ಮೊದಲ ಬಾರಿಗೆ ಅವರು ಐಪಿಎಲ್‌ನಲ್ಲಿ ಆಡುವ ನಿರೀಕ್ಷೆ ಗರಿಗೆದರಿದೆ.

“ನಾನು ಮತ್ತೆ ಕ್ರಿಕೆಟ್‌ ಆಡಲು ಬಯಸಿದ್ದೇನೆ. ಇದೇ ಕಾರಣಕ್ಕೆ ನಾನು ಐಪಿಎಲ್‌ ಹರಾಜು ಕಣಕ್ಕೆ ಇಳಿದಿದ್ದೇನೆ. ಹರಾಜು ವೇಳೆ ನಾನು ಆರಿಸಲ್ಪಡುತ್ತೇನೋ ಇಲ್ಲವೋ ಎನ್ನುವುದು ಬೇರೆ ವಿಚಾರ. ಆದರೆ ನನ್ನ ನಿರ್ವಹಣೆಯಿಂದ ಖಂಡಿತ ವಾಗಿಯೂ ಬೇಡಿಕೆ ಲಭಿಸುವ ನಿರೀಕ್ಷೆಯಿದೆ’ ಎಂದು ಆ್ಯಂಡರ್ಸನ್‌ ಹೇಳಿದ್ದಾರೆ.