ಐಪಿಎಲ್ ಹರಾಜು: ಆರ್ ಸಿಬಿ ಪಾಲಾದ ಹರ್ಷಲ್ ಪಟೇಲ್; ರೈನಾ, ಸ್ಮಿತ್, ಶಕಿಬ್ ಗಿಲ್ಲ ಬೇಡಿಕೆ!

ಬೆಂಗಳೂರು: ಐಪಿಎಲ್ ಮೆಗಾ ಹರಾಜು ಸದ್ಯ ತಾತ್ಕಾಲಿಕ ಸ್ಥಗಿತವಾಗಿದೆ. ಎರಡನೇ ಹಂತದ ಹರಾಜು ಪ್ರಕ್ರಿಯೆಯು ಹಲವು ಅಚ್ಚರಿಗಳಿಗೆ ಕಾರಣವಾಗಿದೆ. ಮಿಸ್ಟರ್ ಐಪಿಎಲ್ ಸುರೇಶ್ ರೈನಾ, ಸ್ಟೀವ್ ಸ್ಮಿತ್ ನಂತಹ ದಿಗ್ಗಜರಿಗೆ ಬೇಡಿಕೆ ಇಲ್ಲವಾಗಿದೆ.

ಆಟಗಾರರ ಹೆಸರು ಕೂಗಿ ಹರಾಜು ಪ್ರಕ್ರಿಯೆ ನಡೆಸುತ್ತಿದ್ದ ಹ್ಯೂ ಎಡ್ಮೆಡ್ಸ್ ಇದ್ದಕ್ಕಿಂದ್ದಂತೆ ಕುಸಿದು ಬಿದ್ದಿದ್ದು, ಗೊಂದಲ ಉಂಟಾಯಿತು. ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಮೊದಲ ಹಂತದ ಬಿಡ್ಡಿಂಗ್ ನಲ್ಲಿ ಶ್ರೇಯಸ್ ಅಯ್ಯರ್ ಅತೀ ಹೆಚ್ಚು ಅಂದರೆ 12.25 ಕೋಟಿ ರೂ ಗೆ ಕೆಕೆಆರ್ ತಂಡದ ಪಾಲಾದರೆ, ಆರ್ ಸಿಬಿ ತಂಡವು ಫಾಫ್ ಡುಪ್ಲೆಸಿಸ್ ಅವರನ್ನು 7 ಕೋಟಿ ರೂ ಗೆ ಖರೀದಿ ಮಾಡಿತು.

ಮೊದಲ ಹಂತದ ಬಿಡ್ಡಿಂಗ್ ನ ಸಂಪೂರ್ಣ ವಿವರ:ಐಪಿಎಲ್ ಹರಾಜು: ಭಾರೀ ಮೊತ್ತ ಪಡೆದ ಅಯ್ಯರ್, ರಬಾಡ; ಹುಸಿಯಾಯಿತು ವಾರ್ನರ್ ನಿರೀಕ್ಷೆ

ಮನೀಶ್ ಪಾಂಡೆ: ಮಾಜಿ ಹೈದರಾಬಾದ್ ಆಟಗಾರ ಮನೀಶ್ ಪಾಂಡೆ ಅವರು 4.6 ಕೋಟಿ ರೂ. ಗೆ ಲಕ್ನೋ ಸೂಪರ್ ಜೈಂಟ್ಸ್ ಪಾಲಾದರು.

ಶಿಮ್ರನ್ ಹೆಟ್ಮೈರ್: ವಿಂಡೀಸ್ ನ ಸ್ಫೋಟಕ ಆಟಗಾರ ಶಿಮ್ರನ್ ಹೆಟ್ಮೈರ್ ಅವರನ್ನು ರಾಜಸ್ಥಾನ ರಾಯಲ್ಸ್ ತಂಡ 8.5 ಕೋಟಿ ರೂ. ಗೆ ಖರೀದಿ ಮಾಡಿತು. ಈ ಮೊದಲು ಹೆಟ್ಮೈರ್ ಅವರು ಡೆಲ್ಲಿ ಕ್ಯಾಪಿಟಲ್ಸ್ ಪರವಾಗಿ ಆಡಿದ್ದರು.

ರಾಬಿನ್ ಉತ್ತಪ್ಪ: ಕರ್ನಾಟಕದ ರಾಬಿನ್ ಉತ್ತಪ್ಪ ಅವರನ್ನು ಸಿಎಸ್ ಕೆ ತಂಡವು 2 ಕೋಟಿ ರೂ ಗೆ ಮತ್ತೆ ಖರೀದಿಸಿತು.

ಜೇಸನ್ ರಾಯ್: ಇಂಗ್ಲೆಂಡ್ ನ ಆರಂಭಿಕ ಆಟಗಾರ ಜೇಸನ್ ರಾಯ್ ರನ್ನು ಗುಜರಾತ್ ಟೈಟನ್ಸ್ ತಂಡ 2 ಕೋಟಿ ರೂ ಗೆ ಖರೀದಿ ಮಾಡಿತು.

ಡೇವಿಡ್ ಮಿಲ್ಲರ್: ಅನ್ ಸೋಲ್ಡ್

ದೇವದತ್ತ ಪಡಿಕ್ಕಲ್: ಮಾಜಿ ಆರ್ ಸಿಬಿ ಆಟಗಾರ ಪಡಿಕ್ಕಲ್ ಖರೀದಿಗೆ ಭಾರೀ ಪೈಪೋಟಿ ನಡೆಯಿತು. ಅಂತಿಮವಾಗಿ ರಾಜಸ್ಥಾನ ತಂಡ ಪಡಿಕ್ಕಲ್ ರನ್ನು 7.75 ಕೋಟಿ ರೂ ಗೆ ಖರೀದಿಸಿತು.

ಸುರೇಶ್ ರೈನಾ: ಅನ್ ಸೋಲ್ಡ್

ಸ್ಟೀವ್ ಸ್ಮಿತ್: ಅನ್ ಸೋಲ್ಡ್

ಇದನ್ನೂ ಓದಿ:ಕುಸಿದು ಬಿದ್ದ ಹರಾಜುದಾರ ಹ್ಯೂ ಎಡ್ಮೆಡ್ಸ್; ಐಪಿಎಲ್ ಮೆಗಾ ಹರಾಜು ತಾತ್ಕಾಲಿಕ ಸ್ಥಗಿತ

ಡ್ವೆಯ್ನ್ ಬ್ರಾವೋ: ಸಿಎಸ್ ಕೆ ಪರವಾಗಿ ಆಡಿದ್ದ ಹಿರಿಯ ಆಲ್ ರೌಂಡರ್ ಬ್ರಾವೋ ಮತ್ತೆ ಧೋನಿ ಪಾಳಯ ಸೇರಿದರು. 2 ಕೋಟಿ ಮೂಲ ಬೆಲೆಯ ಬ್ರಾವೋಗೆ 4.40 ಕೋಟಿ ರೂ ನೀಡಿ ಸಿಎಸ್ ಕೆ ಖರೀದಿಸಿತು.

ನಿತೀಶ್ ರಾಣಾ: ಕೆಕೆಆರ್ ಪರವಾಗಿ ಆಡಿದ್ದ ಎಡಗೈ ಆಟಗಾರ ನಿತೀಶ್ ರಾಣಾ ಮತ್ತೆ ಕೆಕೆಆರ್ ತಂಡಕ್ಕೆ ಸೇರಿದರು. ಈ ಬಾರಿ ರಾಣಾರನ್ನು ಕೆಕೆಆರ್ 8 ಕೋಟಿ ರೂಗೆ ಖರೀದಿ ಮಾಡಿತು.

ಜೇಸನ್ ಹೋಲ್ಡರ್: ವೆಸ್ಟ್ ಇಂಡೀಸ್ ಆಲ್ ರೌಂಡರ್ ಜೇಸನ್ ಹೋಲ್ಡರ್ ಗೆ ಉತ್ತಮ ಬೇಡಿಕೆ ಕಂಡುಬಂತು. ಅಂತಿಮವಾಗಿ ಹೋಲ್ಡರ್ 8.75 ಕೋಟಿ ರೂ ಗೆ ಲಕ್ನೋ ಸೂಪರ್ ಜೈಂಟ್ಸ್ ಪಾಲಾದರು.

ಶಕಿಬ್ ಅಲ್ ಹಸನ್: ಅನ್ ಸೋಲ್ಡ್

ಹರ್ಷಲ್ ಪಟೇಲ್: ಕಳೆದ ಆವೃತ್ತಿಯ ಪರ್ಪಲ್ ಕ್ಯಾಪ್ ಹೋಲ್ಡರ್ ಹರ್ಷಲ್ ಪಟೇಲ್ ಈ ಬಾರಿಯ ಹರಾಜಿನಲ್ಲಿ ಗಮನ ಸೆಳೆದರು. ಅಂತಿಮವಾಗಿ 10.75 ಕೋಟಿ ರೂ ಗೆ ಆರ್ ಸಿಬಿ ಪಾಲಾದರು.

Koo App

Harshal Patel was sold at base price of 20 Lakhs in IPL 2021 and today he’s been bought at 10.75cr just a year later. #iplauction

– Chandler Bing (@Sarcasm007) 12 Feb 2022

ದೀಪಕ್ ಹೂಡಾ: ಇತ್ತೀಚೆಗಷ್ಟೇ ಭಾರತ ತಂಡಕ್ಕೆ ಪದಾರ್ಪಣೆ ಮಾಡಿದ ದೀಪಕ್ ಹೂಡಾರನ್ನು ಲಕ್ನೋ ಸೂಪರ್ ಜೈಂಟ್ಸ್ ತಂಡ ಖರೀದಿ ಮಾಡಿತು. ಹೂಡಾ 5.75 ಕೋಟಿ ರೂ ಪಡೆದರು.

ವಾನಿಂದು ಹಸರಂಗ: ಲಂಕಾದ ಸ್ಪಿನ್ ಆಲ್ ರೌಂಡರ್ ವಾನಿಂದು ಹಸರಂಗ ಉತ್ತಮ ಬೇಡಿಕೆ ಪಡೆದರು. 10.75 ಕೋಟಿ ರೂ. ಗೆ ಬಿಡ್ಡಿಂಗ್ ನಡೆಯತ್ತಿದ್ದ ವೇಳೆ ಹರಾಜುದಾರ ಅಸ್ವಸ್ಥರಾದ ಕಾರಣ ಸದ್ಯಕ್ಕೆ ಬಿಡ್ಡಿಂಗ್ ನಿಲ್ಲಿಸಲಾಗಿದೆ.