ಐಪಿಎಲ್‌: ಮುಂಬಯಿಗೆ 55, ಪುಣೆಗೆ 15 ಪಂದ್ಯಗಳ ಆತಿಥ್ಯ?

ಹೊಸದಿಲ್ಲಿ: ಈ ಬಾರಿಯ ಐಪಿಎಲ್‌ ಪಂದ್ಯಾವಳಿ ತವರಲ್ಲೇ ನಡೆಯುವುದು ಬಹುತೇಕ ಖಚಿತಗೊಂಡಿದೆ. ಈಗಾಗಲೇ ವರದಿಯಾದಂತೆ ದೇಶದ ಕೇವಲ 3 ತಾಣಗಳಿಗಷ್ಟೇ ಆತಿಥ್ಯ ಲಭಿಸುವ ಸಾಧ್ಯತೆಯಿದ್ದು, ಗುರುವಾರದ ಐಪಿಎಲ್‌ ಆಡಳಿತ ಮಂಡಳಿ ಸಭೆಯಲ್ಲಿ ಈ ಕೌತುಕಕ್ಕೆ ತೆರೆ ಬೀಳಲಿದೆ.

ಕ್ರಿಕೆಟ್‌ ವೆಬ್‌ಸೈಟ್‌ ಒಂದರ ವರದಿ ಪ್ರಕಾರ, ಮುಂಬಯಿಯಲ್ಲಿ 55 ಹಾಗೂ ಪುಣೆಯಲ್ಲಿ 15 ಲೀಗ್‌ ಪಂದ್ಯಗಳನ್ನು ಆಯೋಜಿಸುವುದು ಬಿಸಿಸಿಐ ಉದ್ದೇಶ. ಎಲ್ಲ ತಂಡಗಳಿಗೆ ವಾಂಖೇಡೆ ಸ್ಟೇಡಿಯಂ ಮತ್ತು ಡಿ.ವೈ. ಪಾಟೀಲ್‌ ಸ್ಟೇಡಿಯಂನಲ್ಲಿ ತಲಾ 4, ಬ್ರೆಬೋರ್ನ್ ಮತ್ತು ಪುಣೆಯ ಎಂಸಿಎ ಸ್ಟೇಡಿಯಂನಲ್ಲಿ ತಲಾ 3 ಪಂದ್ಯಗಳನ್ನು ಹಂಚುವ ಬಗ್ಗೆ ಮಾಹಿತಿ ಲಭ್ಯವಾಗಿದೆ.

ಇದನ್ನೂ ಓದಿ:ಪ್ರೊ ಕಬಡ್ಡಿ: ಪಾಟ್ನಾ ಪೈರೇಟ್ಸ್‌-ದಬಾಂಗ್‌ ದಿಲ್ಲಿ ಪ್ರಶಸ್ತಿ ಫೈಟ್‌

ಪ್ಲೇ ಆಫ್ ಪಂದ್ಯಗಳ ಆತಿಥ್ಯ ಬಹುತೇಕ ಅಹ್ಮದಾಬಾದ್‌ ಪಾಲಾಗಲಿದೆ. ಮಾ. 27ರಂದು 10 ತಂಡಗಳ ನಡುವಿನ ಮೆಗಾ ಐಪಿಎಲ್‌ಗೆ ಚಾಲನೆ ಲಭಿಸುವ ಸಾಧ್ಯತೆ ಇದೆ.