Advertisement
ರಾಜಸ್ಥಾನ್‌ ರಾಯಲ್ಸ್‌ ನಾಯಕನಾಗಿದ್ದ ಅಜಿಂಕ್ಯ ರಹಾನೆ ಈ ಬಾರಿ ಡೆಲ್ಲಿ ಕ್ಯಾಪಿಟಲ್ಸ್‌ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ. ಆ ತಂಡದ ಅಗ್ರ ಐವರು ಬ್ಯಾಟ್ಸ್‌ಮನ್‌ಗಳಲ್ಲಿ ಯಾರನ್ನೂ ತೆಗೆಯುವಂತಿಲ್ಲ ಎಂಬ ಸ್ಥಿತಿಯಿದೆ. ಇವರ ನಡುವೆ ರಹಾನೆಗೊಂದು ಸ್ಥಾನ ನೀಡುವುದು ತಂಡದ ನಾಯಕ ಶ್ರೇಯಸ್‌ ಅಯ್ಯರ್‌, ತರಬೇತುದಾರ ರಿಕಿ ಪಾಂಟಿಂಗ್‌ಗೆ ದೊಡ್ಡ ಸವಾಲಾಗಿದೆ.
ರಹಾನೆ ಮತ್ತು ಆರ್‌. ಅಶ್ವಿ‌ನ್‌ ಆಗಮನದಿಂದ ಡೆಲ್ಲಿ ತಂಡದ ಸಾಮರ್ಥ್ಯ ವೃದ್ಧಿಸಿದೆ ಎನ್ನುವುದರಲ್ಲಿ ಎರಡು ಮಾತಿಲ್ಲ. ಅದು ತಂಡದೊಳಗೊಂದು ಆರೋಗ್ಯಕರ ಪೈಪೋಟಿಗೆ ಕಾರಣವಾಗಿದೆ. ಮತ್ತೂಂದು ಕಡೆ ರಹಾನೆ ಯಂತಹ ಹಿರಿಯ ಬ್ಯಾಟ್ಸ್‌ಮನ್‌ ಕೂಡ ಪೈಪೋಟಿ ಎದುರಿ ಸಬೇಕಾದ ಸ್ಥಿತಿ ಎದುರಾಗಿದೆ. ರಾಜಸ್ಥಾನ್‌ ನಾಯಕನಾಗಿ, ಆಟಗಾರರಾಗಿ ಮಿಂಚಿದ್ದ ರಹಾನೆಗೆ ಈಗ ಈ ಪರಿಸ್ಥಿತಿ ಒದಗಿರುವುದು ಬೇಸರದ ಸಂಗತಿಯೂ ಹೌದು.