ಮೆಹುಲ್‌ ಚೋಕ್ಸಿ ವಿರುದ್ಧ ಇಂಟರ್‌ ಪೋಲ್‌ ರೆಡ್‌ ಕಾರ್ನರ್‌ ನೊಟೀಸ್‌

ಹೊಸದಿಲ್ಲಿ : ತನ್ನ ಸೋದರ ಸಂಬಂಧಿ ನೀರವ್‌ ಮೋದಿ ಜತೆಗೂಡಿ ಪಂಜಾಬ್‌ ನ್ಯಾಶನಲ್‌ ಬ್ಯಾಂಕಿಗೆ 13,000 ಕೋಟಿ ರೂ. ವಂಚಿಸಿ ವಿದೇಶಕ್ಕೆ ಪಲಾಯನ ಮಾಡಿರುವ ಬಿಲಿಯಾಧಿಪತಿ ವಜ್ರಾಭರಣ ಉದ್ಯಮಿ ಮೆಹುಲ್‌ ಚೋಕ್ಸಿ ವಿರುದ್ಧ ಇಂಟರ್‌ ಪೋಲ್‌, ರೆಡ್‌ ಕಾರ್ನರ್‌ ನೊಟೀಸ್‌ ಜಾರಿ ಮಾಡಿದೆ ಎಂದು ಅಧಿಕಾರಿಗಳು ಇಂದು ಗುರುವಾರ ತಿಳಿಸಿದ್ದಾರೆ.

ಸಿಬಿಐ ವಕ್ತಾರ ಅಭಿಷೇಕ್‌ ದಯಾಳ್‌ ಅವರು ಸುದ್ದಿಗಾರರೊಂದಿಗೆ ಮಾತನಾಡುತ್ತಾ, “ಸಿಬಿಐ ಕೋರಿಕೆ ಪ್ರಕಾರ ಇಂಟರ್‌ ಪೋಲ್‌ ಮೆಹುಲ್‌ ಚೋಕ್ಸಿ ವಿರುದ್ಧ ರೆಡ್‌ ಕಾರ್ನರ್‌ ನೊಟೀಸ್‌ ಜಾರಿ ಮಾಡಿದೆ’ ಎಂದು ತಿಳಿಸಿದರು. 

ತಾನು ಮತ್ತು ತನ್ನ ಕಂಪೆನಿಗಳು ಬ್ಯಾಂಕಿಗೆ 7,000 ಕೋಟಿ ರೂ. ವಂಚಿಸಿದುದನ್ನು ಅನುಸರಿಸಿ ಮೆಹುಲ್‌ ಚೋಕ್ಸಿ ಈ ವರ್ಷ ಜನವರಿಯಲ್ಲಿ ವಿದೇಶಕ್ಕೆ ಪಲಾಯನ ಮಾಡಿ ಆಂಟಿಗಾ ಪೌರತ್ವ ಪಡೆದಿರುವುದಾಗಿ ವರದಿಗಳು ತಿಳಿಸಿವೆ.