ನಿರ್ಲಕ್ಷ್ಯ ಚಾಲನೆಗೆ ವಿಮೆ ಇಲ್ಲ: ಸುಪ್ರೀಂ 

ಹೊಸದಿಲ್ಲಿ: ತನ್ನದೇ ತಪ್ಪಿನಿಂದ ಆದ ಅಪಘಾತಕ್ಕೆ ಯಾವುದೇ ವಾಹನ ಸವಾರ ವಿಮೆ ಪರಿಹಾರಕ್ಕಾಗಿ ಕ್ಲೇಮು ಮಾಡುವಂತಿಲ್ಲ ಎಂದು ಸುಪ್ರೀಂ ಕೋರ್ಟ್‌ ಮಹತ್ವದ ತೀರ್ಪು ನೀಡಿದೆ. ತ್ರಿಪುರಾ ರಾಜ್ಯದ ನಿವಾಸಿಯಾಗಿದ್ದ ದಿ. ದಿಲೀಪ್‌ ಭೌಮಿಕ್‌ ಎಂಬುವರ ಕುಟುಂಬ ಸದಸ್ಯರು ಹಾಗೂ ನ್ಯಾಷನಲ್‌ ಇನ್ಶೂರೆನ್ಸ್‌ ಕಂಪನಿ ನಡುವಿನ ಪ್ರಕರಣವೊಂದಕ್ಕೆ ಸಂಬಂಧಿಸಿ ಈ ತೀರ್ಪು ಹೊರಬಿದ್ದಿದೆ.

ಅಪಘಾತವೊಂದರಲ್ಲಿ ದೀಪಕ್‌ ನಿಧನರಾಗಿದ್ದರು. ವಾಹನದ ಮಾಲೀಕ ಹಾಗೂ ಚಾಲಕರಾಗಿದ್ದ ದೀಪಕ್‌ರ ನಿರ್ಲಕ್ಷ್ಯದಿಂದಲೇ ಅಪಘಾತವಾಗಿದ್ದು ಸಾಬೀತಾಗಿದ್ದರಿಂದ ಅವರಿಗೆ ಪರಿಹಾರ ನೀಡಲಾಗುವುದಿಲ್ಲ ಎಂದು ಕಂಪನಿ ಹೇಳಿತ್ತು. ಈ ಪ್ರಕರಣದ ತೀರ್ಪು ಪ್ರಕಟಿಸಿದ್ದ ತ್ರಿಪುರಾ ಹೈಕೋರ್ಟ್‌, ಕಂಪನಿ ವಾದ ತಳ್ಳಿ ಹಾಕಿ ದೀಪಕ್‌ ಕುಟುಂಬಕ್ಕೆ 10.57 ಲಕ್ಷ ರೂ. ನೀಡುವಂತೆ ಸೂಚಿಸಿತ್ತು. ಆದರೆ, ಇದರ ವಿರುದ್ಧ ಕಂಪನಿ ಸುಪ್ರೀಂ ಮೊರೆ ಹೋಗಿತ್ತು.