Infosys; 4 ತಿಂಗಳ ಮೊಮ್ಮಗನಿಗೆ 243 ಕೋಟಿ ರೂ.ಷೇರು ಗಿಫ್ಟ್ ನೀಡಿದ ಮೂರ್ತಿ

ಹೊಸದಿಲ್ಲಿ: ಖ್ಯಾತ ಐಟಿ ಸೇವಾ ಸಂಸ್ಥೆ ಇನ್ಫೋಸಿಸ್‌ನ ಸಹ ಸಂಸ್ಥಾಪಕ ನಾರಾಯಣ ಮೂರ್ತಿ ಅವರು ತಮ್ಮ ಮೊಮ್ಮಗನಿಗೆ 243 ಕೋಟಿ ರೂ. ಮೌಲ್ಯದ ಷೇರುಗಳನ್ನು ಉಡು ಗೊರೆ ಯಾಗಿ ನೀಡಿದ್ದಾರೆ.

ನಾರಾಯಣ ಮೂರ್ತಿ ಅವರ ಪುತ್ರ ರೋಹನ್‌ ಮೂರ್ತಿ ಹಾಗೂ ಅಪರ್ಣಾ ಕೃಷ್ಣನ್‌ ಅವರ ಪುತ್ರ ಏಕಾಗ್ರ ರೋಹನ್‌ ಮೂರ್ತಿಗೆ ಕಂಪೆನಿಯ 15 ಲಕ್ಷ ಷೇರು ಗಳನ್ನು ನೀಡಲಾಗಿದೆ. ಇದು ಕಂಪೆನಿಯ ಒಟ್ಟು ಷೇರುಗಳ ಪ್ರಮಾಣದಲ್ಲಿ ಶೇ.0.04 ರಷ್ಟಾಗ  ಲಿದೆ. ಮೂರ್ತಿ ಅವರು ಶೇ.0.36ರಷ್ಟು ಷೇರುಗಳನ್ನು ಹೊಂದಿದ್ದಾರೆ. ಕಳೆದ ವರ್ಷದ ಮಾಹಿತಿಯ ಪ್ರಕಾರ 1.6 ಕೋಟಿ ಷೇರುಗಳು ಮೂರ್ತಿ ಹೆಸರಿನಲ್ಲಿದೆ.