“ವರ್ಕ್‌ ಫ್ರಂ ಹೋಂ’ಬೇಡ: ಎನ್‌. ಆರ್‌. ನಾರಾಯಣ ಮೂರ್ತಿ

ನವದೆಹಲಿ: “ವರ್ಕ್‌ ಫ್ರಂ ಹೋಂ’ನಿಂದ ಉತ್ಪಾದಕತೆಯು ಕಡಿಮೆಯಾಗುತ್ತದೆ. ಹಾಗಾಗಿ, ಆ ಸಂಸ್ಕೃತಿಯಿಂದ ಉದ್ಯೋಗಿಗಳು ಆದಷ್ಟು ಬೇಗನೇ ಹೊರಬಂದು, ಕಚೇರಿಗೆ ಆಗಮಿಸಿ ಕಾರ್ಯನಿರ್ವಹಿಸುವಂತಾಗಬೇಕು ಎಂದು ಇನ್ಫೋಸಿಸ್‌ನ ಸಹ ಸಂಸ್ಥಾಪಕ ಎನ್‌. ಆರ್‌. ನಾರಾಯಣ ಮೂರ್ತಿ ಹೇಳಿದ್ದಾರೆ.

ಕೊರೊನಾದ ಕಾಟ ತಗ್ಗಿದ ಬೆನ್ನಲ್ಲೇ ಹಲವಾರು ಕಂಪನಿಗಳು, ತಮ್ಮ ಕಚೇರಿಗಳನ್ನು ಪುನರಾರಂಭ ಮಾಡಲು ಸಜ್ಜಾಗುತ್ತಿವೆ. ಐಟಿ ಕಂಪನಿಗೂ ತಮ್ಮ ಉದ್ಯೋಗಿಗಳನ್ನು ಕಚೇರಿಗೆ ಕರೆಯಿಸಿಕೊಳ್ಳಲಾರಂಭಿಸಿವೆ.

ಇತ್ತೀಚೆಗೆ ನಡೆದ ಖಾಸಗಿ ಸಮಾರಂಭವೊಂದರಲ್ಲಿ ಮಾತನಾಡಿರುವ ಅವರು,” ನಾನು ಮನೆಯಿಂದ ಕೆಲಸ ಮಾಡುವ ಸಂಸ್ಕೃತಿಯನ್ನು ವೈಯಕ್ತಿಕವಾಗಿ ಇಷ್ಟಪಡುವುದಿಲ್ಲ. ಸತತವಾಗಿ ವರ್ಕ್‌ ಫ್ರಂ ಹೋಂನಲ್ಲೇ ಇದ್ದರೆ ಕಚೇರಿ ಸಂಸ್ಕೃತಿ ಹಾಳಾಗಿ, ಉತ್ಪಾದಕತೆಯೂ ಕಡಿಮೆಯಾಗುತ್ತಾ ಹೋಗುತ್ತದೆ ಎಂದು ಹೇಳಿದರು.