ಹಣದುಬ್ಬರ ಏರಿಕೆ

ನವದೆಹಲಿ: ಸೆಪ್ಟೆಂಬರ್‌ನಲ್ಲಿ ಸಗಟು ದರ ಆಧರಿತ ಹಣದುಬ್ಬರ ಶೇ. 5.13ಕ್ಕೆ ಏರಿಕೆಯಾಗಿದೆ. ಆಹಾರೋತ್ಪನ್ನ ಬೆಲೆ, ಪೆಟ್ರೋಲ್‌ ಹಾಗೂ ಡೀಸೆಲ್‌ ಬೆಲೆ ಏರಿಕೆಯೇ ಇದಕ್ಕೆ ಕಾರಣವಾಗಿದೆ. ಈ ಏರಿಕೆ ಕಳೆದ ಎರಡು ತಿಂಗಳಲ್ಲೇ ಅಧಿಕವಾಗಿದೆ. ಕಳೆದ ವರ್ಷದ ಸೆಪ್ಟೆಂಬರ್‌ನಲ್ಲಿ ಸಗಟು ದರ ಆಧರಿತ ಹಣದುಬ್ಬರವು ಶೇ. 3.14ರಷ್ಟಿತ್ತು. ಪೆಟ್ರೋಲ್‌ನಲ್ಲಿ ಶೇ. 17.21 ಹಾಗೂ ಡೀಸೆಲ್‌ನಲ್ಲಿ ಶೇ. 22.18ರಷ್ಟು ಹಣದುಬ್ಬರ ಉಂಟಾಗಿದೆ. ಅಲ್ಲದೆ ಎಲ್‌ಪಿಜಿ ಬೆಲೆಯಲ್ಲಿ ಶೇ. 33.51ರಷ್ಟು ಹಣದುಬ್ಬರ ಉಂಟಾಗಿದೆ.