ಯಾದಗಿರಿ: 9 ಜನರಲ್ಲಿ ಸೋಂಕು ಪತ್ತೆ

ಯಾದಗಿರಿ: ಜಿಲ್ಲೆಯಲ್ಲಿ ಸೋಂಕಿತರ ಸಂಪರ್ಕಕ್ಕೆ ಬಂದವರು ಮಹಾಮಾರಿ ಕೋವಿಡ್ ಗೆ ತುತ್ತಾಗುತ್ತಿದ್ದು, ಇದೀಗ ಸುರಪುರ ಸರ್ಕಾರಿ ಆಸ್ಪತ್ರೆಯ ಸಿಬ್ಬಂದಿ (ಪಿ-8227)ರ ಸಂಪರ್ಕದಿಂದ ದಿವಳಗುಡ್ಡದ 35 ಮತ್ತು 48 ವರ್ಷದ ಇಬ್ಬರು ಮಹಿಳೆಯರು (ಪಿ-13413, ಪಿ-13414) ರಲ್ಲಿ ಸೋಂಕು ದೃಢವಾಗಿದೆ.

ಯಾದಗಿರಿ ನಗರದ ಮಾತಾಮಾಣಿಕೇಶ್ವರಿ ನಗರದ 35 ವರ್ಷದ ಪುರುಷ (ಪಿ-13416)ರಲ್ಲಿ ಸೋಂಕು ಕಾಣಿಸಿಕೊಂಡಿದ್ದು ಸೋಂಕಿನ ಮೂಲ ಪತ್ತೆಯಾಗಿಲ್ಲ. ಜಿಲ್ಲೆಯಲ್ಲಿ ಸೋಮವಾರ ಒಟ್ಟು 9 ಜನರಲ್ಲಿ ಕೋವಿಡ್ ಕಾಣಿಸಿಕೊಂಡಿದ್ದು, ಸೋಂಕಿತರ ಸಂಖ್ಯೆ 939ಕ್ಕೆ ಏರಿಕೆಯಾಗಿದೆ. ಮಹಾರಾಷ್ಟ್ರ ನಂಟು ಹೊಂದಿರುವ ಸುರಪುರ ತಾಲೂಕಿನ ಹೇಮನೂರ ಗ್ರಾಮದ 38 ವರ್ಷದ ಪುರುಷ (ಪಿ-13410), ಸುಗೂರ ಗ್ರಾಮದ 66 ವರ್ಷದ ಪುರುಷ (ಪಿ-13411) ಮತ್ತು ರಂಗಂಪೇಟ್‌ನ 26 ವರ್ಷದ ಪುರುಷ (ಪಿ-13415), ಕಲ್ಲದೇವನಹಳ್ಳಿಯ 30 ವರ್ಷದ ಪುರುಷ (ಪಿ-13417), 20 ವರ್ಷದ ಮಹಿಳೆ (ಪಿ-13418) ಹಾಗೂ ದೆಹಲಿ ನಂಟು ಇರುವ ದೇವಾಪುರ ಗ್ರಾಮದ 38 ವರ್ಷದ ಪುರುಷ (ಪಿ-13412) ಸೋಂಕಿಗೆ ತುತ್ತಾಗಿದ್ದಾರೆ.

ಜೂ.26 ಮತ್ತು 27ರಂದು ಪಿ-8227ರ ಪತಿ ಸುರಪುರ ಘಟಕದ ಸಾರಿಗೆ ಚಾಲಕ ಪಿ-8228ರ ಸಂಪರ್ಕದಿಂದ ಒಟ್ಟು 5 ಜನರಿಗೆ ಸೋಂಕು ತಗುಲಿತ್ತು. ಇದೀಗ ಪತ್ನಿ ಸಂಪರ್ಕದಿಂದ ಇಬ್ಬರಿಗೆ ಸೋಂಕು ದೃಢವಾದಂತಾಗಿದೆ.