Advertisement
ಇಂದೋರ್‌ನ “ಹೋಳ್ಕರ್‌ ಸ್ಟೇಡಿಯಂ’ನಲ್ಲಿ ಬುಧವಾರ ಈ ಪಂದ್ಯ ಆರಂಭವಾಗಲಿದ್ದು, ಕಾಂಗರೂ ಪಡೆಯನ್ನು ಮತ್ತೂಮ್ಮೆ ಸ್ಪಿನ್‌ ಖೆಡ್ಡಕ್ಕೆ ಬೀಳಿಸುವುದು ಟೀಮ್ ಇಂಡಿಯಾದ ಕಾರ್ಯತಂತ್ರವಾಗಿರುವುದರಲ್ಲಿ ಅನುಮಾನವೇ ಇಲ್ಲ.
ಈ ಪಂದ್ಯ ಹೇಗೆ ಸಾಗೀತು, ಭಾರತ ಗೆಲುವಿನ ಓಟ ಮುಂದುವರಿದೀತೇ, ಆಸ್ಟ್ರೇಲಿಯಕ್ಕೆ ಏನು ಕಾದಿದೆ, ಅದು ಸೋಲಿನ ಸುಳಿಯಿಂದ ಮೇಲೆದ್ದು ಬಂದೀತೇ… ಎಂಬುದೆಲ್ಲ ಇಂದೋರ್‌ ಟೆಸ್ಟ್ ಪಂದ್ಯಕ್ಕೆ ಸಂಬಂಧಿಸಿದ ಸಾಮಾನ್ಯ ಪ್ರಶ್ನೆಗಳು. ಆದರೆ ಈ ಬಗ್ಗೆ ಭಾರತದ ಕ್ರಿಕೆಟ್‌ ಪ್ರೇಮಿಗಳಾÂರೂ ವಿಪರೀತ ತಲೆ ಕೆಡಿಸಿಕೊಂಡಂತಿಲ್ಲ. ರೋಹಿತ್‌ ಪಡೆ ಈ ಪಂದ್ಯವನ್ನೂ ಗೆಲ್ಲುತ್ತದೆ ಎಂಬ ಸಂಗತಿಯೇ ಮನಸ್ಸಲ್ಲಿ ಅಚ್ಚೊತ್ತಿದೆ.
Related Articles
Advertisement
ಸ್ಪಿನ್ನರ್‌ಗಳ ತಾಕತ್ತುಹಾಗೆ ನೋಡಹೋದರೆ ಭಾರತ ಮೊದಲೆರಡು ಟೆಸ್ಟ್‌ಗಳನ್ನು ಗೆದ್ದದ್ದೇ ಸ್ಪಿನ್‌ ಬೌಲಿಂಗ್‌ ಮತ್ತು ಸ್ಪಿನ್ನರ್‌ಗಳ ಬ್ಯಾಟಿಂಗ್‌ ತಾಕತ್ತಿನಿಂದ. ರವೀಂದ್ರ ಜಡೇಜ, ಅಕ್ಷರ್‌ ಪಟೇಲ್‌ ಮತ್ತು ಆರ್‌. ಅಶ್ವಿ‌ನ್‌ ಅವರ ಪರಾಕ್ರಮ ಸಾಟಿಯಿಲ್ಲದ್ದು. ಹೊಸದಿಲ್ಲಿ ಪಂದ್ಯದ ದ್ವಿತೀಯ ಸರದಿಯಲ್ಲಿ ಜಡೇಜ ಬೌಲಿಂಗ್‌ ಜಾದೂ ಮಾಡದೇ ಹೋಗಿದ್ದಲ್ಲಿ ಭಾರತದ ಸ್ಥಿತಿ ಖಂಡಿತವಾಗಿಯೂ ಬಿಗಡಾಯಿಸುತ್ತಿತ್ತು. ಅರ್ಥಾತ್‌, ಕೇವಲ ರಾಹುಲ್ ಮಾತ್ರವಲ್ಲ, ಭಾರತದ ಅಗ್ರ ಕ್ರಮಾಂಕದ ಬ್ಯಾಟಿಂಗ್‌ ವಿಭಾಗವೇ ಲಯದಲ್ಲಿಲ್ಲ ಎಂಬುದು ಇದರಿಂದ ಸಾಬೀತಾಗುತ್ತದೆ. ಪೂಜಾರ, ಕೊಹ್ಲಿ, ಅಯ್ಯರ್‌ ಇನ್ನೂ ಅರ್ಧ ಶತಕವನ್ನೇ ಹೊಡೆದಿಲ್ಲ. ಪೂಜಾರ ಅವರಂತೂ 100ನೇ ಟೆಸ್ಟ್ ಪಂದ್ಯದಲ್ಲಿ ಸೊನ್ನೆ ಸುತ್ತಿ ಹೋಗಿದ್ದಾರೆ. ಸೂರ್ಯಕುಮಾರ್‌ ಜಾಗಕ್ಕೆ ಬಂದ ಅಯ್ಯರ್‌ ಎರಡೂ ಇನ್ನಿಂಗ್ಸ್‌ಗಳಲ್ಲಿ ವೈಫ‌ಲ್ಯ ಕಂಡಿದ್ದಾರೆ. ಈ 2 ಟೆಸ್ಟ್‌ಗಳಲ್ಲಿ ದಾಖಲಾದದ್ದು ಒಂದೇ ಶತಕ ಎಂಬುದು ಒಟ್ಟಾರೆ ಬ್ಯಾಟಿಂಗ್‌ ಹಿನ್ನಡೆಗೊಂದು ನಿದರ್ಶನ. ಇದನ್ನು ಟೀಮ್ ಇಂಡಿಯಾ ನಾಯಕ ರೋಹಿತ್‌ ಶರ್ಮ ನಾಗ್ಪುರ ಪಂದ್ಯದ ಏಕೈಕ ಇನ್ನಿಂಗ್ಸ್‌ನಲ್ಲಿ ಹೊಡೆದಿದ್ದರು (120). ಹೊಸದಿಲ್ಲಿಯಲ್ಲಿ ದಾಖಲಾದದ್ದು 3 ಅರ್ಧ ಶತಕ ಮಾತ್ರ. ಇದರಲ್ಲಿ 2 ಅರ್ಧ ಶತಕ ಆಸ್ಟ್ರೇಲಿಯ ಕಡೆಯಿಂದಲೇ ದಾಖಲಾಗಿದೆ. ಒಟ್ಟಾರೆಯಾಗಿ ತಂಡದ ಬ್ಯಾಟಿಂಗ್‌ ಎನ್ನುವುದು ಸಾಮರ್ಥ್ಯಕ್ಕೆ ತಕ್ಕಂತಿಲ್ಲ ಎಂಬುದನ್ನು ಗಮನಿಸುವಾಗ ರಾಹುಲ್‌ಗೆ ಇನ್ನೊಂದು ಅವಕಾಶವನ್ನು ಕೊಟ್ಟು ನೋಡಬಾರದೇಕೆ ಎಂಬ ಪ್ರಶ್ನೆಯೂ ಉದ್ಭವಿ ಸುತ್ತದೆ. ಉಳಿದಂತೆ ಭಾರತದ ಆಡುವ ಬಳಗದಲ್ಲಿ ಯಾವುದೇ ಬದಲಾವಣೆಯ ಸಾಧ್ಯತೆ ಇಲ್ಲ. ಆಸೀಸ್‌ಗೆ ಮುಕ್ತಿ ಇದೆಯೇ?
ನಾಗ್ಪುರ ಮತ್ತು ಹೊಸದಿಲ್ಲಿಯಲ್ಲಿ ಆಸ್ಟ್ರೇಲಿಯನ್ನರು ಅನುಭವಿಸಿದ ಸ್ಪಿನ್‌ ಪರ ದಾಟವನ್ನು ಕಂಡಾಗ ಈ ಸರಣಿಯಲ್ಲಿ ಅವರಿಗೆ ಇದರಿಂದ ಮುಕ್ತಿ ಇಲ್ಲ ಎಂದೆನಿಸುತ್ತದೆ. ಆದರೂ ಇಂದೋರ್‌ ಟೆಸ್ಟ್ ಪಂದ್ಯದ ವೇಳೆ ಆಸೀಸ್‌ ತಂಡದಲ್ಲಿ ಒಂದಿಷ್ಟು ಬದಲಾವಣೆಯ ಗಾಳಿ ಬೀಸುವುದು ಸುಳ್ಳಲ್ಲ. ನಾಯಕ ಪ್ಯಾಟ್‌ ಕಮಿನ್ಸ್‌ ತಾಯಿಯ ಅನಾರೋಗ್ಯದಿಂದಾಗಿ ತವರಿಗೆ ಮರಳಿದ್ದಾರೆ. ಇವರ ಗೈರಲ್ಲಿ ಸ್ಟೀವನ್‌ ಸ್ಮಿತ್‌ ತಂಡವನ್ನು ಮುನ್ನಡೆಸಲಿದ್ದಾರೆ. ಎಡಗೈ ವೇಗಿ ಮಿಚೆಲ್‌ ಸ್ಟಾರ್ಕ್‌, ಆಲ್‌ರೌಂಡರ್‌ ಕ್ಯಾಮರಾನ್‌ ಗ್ರೀನ್‌ ತಂಡವನ್ನು ಕೂಡಿಕೊಳ್ಳಲಿದ್ದಾರೆ. ಫಾರ್ಮ್ನಲ್ಲಿಲ್ಲದ ಡೇವಿಡ್‌ ವಾರ್ನರ್‌ ಕೂಡ ಆಸ್ಟ್ರೇಲಿಯಕ್ಕೆ ವಾಪಸಾಗಿದ್ದು, ಇವರ ಬದಲು ಟ್ರ್ಯಾವಿಸ್‌ ಹೆಡ್‌ ಇನ್ನಿಂಗ್ಸ್‌ ಆರಂಭಿಸಲಿದ್ದಾರೆ. ಇವರೆಲ್ಲ ಸೇರಿ ಆಸ್ಟ್ರೇಲಿಯ ತಂಡದ ಹಣೆಬರಹವನ್ನು ಬದಲಿಸಬಲ್ಲರೇ? ನಮ್ಮ ಸ್ಪಿನ್ನರ್‌ಗಳನ್ನು ದಿಟ್ಟ ರೀತಿಯಲ್ಲಿ ಎದುರಿಸಿ ನಿಂತರೆ ಮಾತ್ರ ಇದು ಸಾಧ್ಯ.