ಇಂಡೋನೇಷ್ಯಾಕ್ಕೆ ಹೊಸ ರಾಜಧಾನಿ

ಬಾಲಿ: ಇಂಡೋನೇಷ್ಯಾಕ್ಕೆ ಶೀಘ್ರದಲ್ಲಿಯೇ ಹೊಸ ರಾಜಧಾನಿ ಸಿಗಲಿದೆ.

ಹಾಲಿ ರಾಜಧಾನಿ ಜಕಾರ್ತಾದಲ್ಲಿ ನೀರಿನ ಕೊರತೆ, ಪರಿಸರ ಮಾಲಿನ್ಯ ಸೇರಿದಂತೆ ಹಲವು ಕೊರತೆಗಳನ್ನು ಎದುರಿಸುತ್ತಿದೆ. ಹೀಗಾಗಿ, ಅದರ ಪರಿಹಾರಕ್ಕಾಗಿ ಜಕಾರ್ತಾದಿಂದ 2 ಸಾವಿರ ಕಿಮೀ ದೂರದಲ್ಲಿರುವ ನುಸಂತರಾದಲ್ಲಿ ಹೊಸ ರಾಜಧಾನಿ ನಿರ್ಮಿಸಲು ಚಿಂತನೆ ನಡೆಸಲಾಗಿದೆ.

ಅದಕ್ಕೆ ಸಂಬಂಧಿಸಿದ ವಿಧೇಯಕವನ್ನು ಸಂಸತ್‌ನಲ್ಲಿ ಈಗಾಗಲೇ ಅಂಗೀಕರಿಸಲಾಗಿದೆ. ಇದರಿಂದಾಗಿ ಹಲವು ವರ್ಷಗಳಿಂದ ಇದ್ದ ಪ್ರಸ್ತಾವನೆ ಈಗ ಕೈಗೂಡಿದಂತಾಗಿದೆ.

ಪ್ರಸ್ತಾವಿತ ರಾಜಧಾನಿ ಇಂಡೋನೇಷ್ಯಾದ ಈಶಾನ್ಯ ಭಾಗದಲ್ಲಿದೆ ಮತ್ತು 2,56,143 ಹೆಕ್ಟೇರ್‌ ಪ್ರದೇಶದಲ್ಲಿ ನಿರ್ಮಾಣವಾಗಲಿದೆ. ಅದಕ್ಕಾಗಿ 32 ಬಿಲಿಯನ್‌ ಡಾಲರ್‌ ವೆಚ್ಚವಾಗಲಿದೆ.