ಇಂದಿರಾ ಗಾಂಧಿ ಕಾಂಗ್ರೆಸ್‌ ಮಾತೆ: ಉಲ್ಟಾ ಹೊಡೆದ ಸುರೇಶ್‌ ಗೋಪಿ

ತಿರುವನಂತಪುರ: ಇಂದಿರಾ ಗಾಂಧಿ ಭಾರತ ಮಾತೆ ಎಂಬ ಕೇಂದ್ರ ಸಚಿವ ಸುರೇಶ್‌ ಗೋಪಿ ಹೇಳಿಕೆ ಎಲ್ಲಡೆ ಗಮನ ಸೆಳೆದಿದೆ. ರವಿವಾರ ತಮ್ಮ ಹೇಳಿಕೆಗೆ ಸ್ಪಷ್ಟನೆ ನೀಡಿದ ಸಚಿವ ಸುರೇಶ್‌, ಇಂದಿರಾ ಭಾರತ ಮಾತೆಯಲ್ಲ, ಕಾಂಗ್ರೆಸ್‌ ಮಾತೆ. ನನ್ನ ಹೇಳಿಕೆ ತಿರುಚಲಾಗಿದೆ ಎಂದಿದ್ದಾರೆ.

ಕೇರಳದ ಕಾಂಗ್ರೆಸ್‌ಗೆ ಕೆ. ಕರುಣಾಕರನ್‌ ತಂದೆಯಾದರೆ, ಭಾರತದ ಕಾಂಗ್ರೆಸ್‌ಗೆ ಇಂದಿರಾ ಗಾಂಧಿ ಮಾತೆ. ದೇಶದ ಪ್ರಗತಿಗೆ ಅವರ ಕೊಡುಗೆ ಅಪಾರ. ಅವರು ವಿಪಕ್ಷದವರು ಎಂಬ ಮಾತ್ರಕ್ಕೆ ಅವರನ್ನು ಹೊಗಳದೇ ಇರಲಾಗುವುದಿಲ್ಲ ಎಂದು ತಮ್ಮ ಹೇಳಿಕೆಗೆ ಸ್ಪಷ್ಟನೆ ನೀಡಿದ್ದಾರೆ.