ಹೊಸದಿಲ್ಲಿ : ಡಿಸೆಂಬರ್ 30 ರಂದು ರಾಷ್ಟ್ರ ರಾಜಧಾನಿಯಿಂದ ಅಯೋಧ್ಯೆ ವಿಮಾನ ನಿಲ್ದಾಣಕ್ಕೆ ಉದ್ಘಾಟನಾ ವಿಮಾನ ಹಾರಾಟ ನಡೆಸುವುದಾಗಿ ಮತ್ತು ವಾಣಿಜ್ಯ ಸೇವೆಗಳು ಜನವರಿ 6 ರಿಂದ(2024) ಪ್ರಾರಂಭವಾಗಲಿದೆ ಎಂದು ಇಂಡಿಗೋ ಬುಧವಾರ ತಿಳಿಸಿದೆ
ಡಿಸೆಂಬರ್ 8 ರಂದು ನಾಗರಿಕ ವಿಮಾನಯಾನ ಸಚಿವ ಜ್ಯೋತಿರಾದಿತ್ಯ ಸಿಂಧಿಯಾ ಅವರು ಅಯೋಧ್ಯೆಯ ಮರ್ಯಾದಾ ಪುರುಷೋತ್ತಮ ಶ್ರೀ ರಾಮ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣವು ಈ ತಿಂಗಳ ಅಂತ್ಯದ ವೇಳೆಗೆ ಸಿದ್ಧವಾಗಲಿದೆ ಮತ್ತು ಪ್ರಧಾನಿ ನರೇಂದ್ರ ಮೋದಿ ಅವರು ವಿಮಾನ ನಿಲ್ದಾಣವನ್ನು ಉದ್ಘಾಟಿಸಲಿದ್ದಾರೆ ಎಂದು ಹೇಳಿದ್ದರು.
ಇಂಡಿಗೋ ಬುಧವಾರ ಬಿಡುಗಡೆ ಮಾಡಿದ ಸಂದೇಶದಲ್ಲಿ ಅಯೋಧ್ಯೆಯು ಏರ್‌ಲೈನ್‌ನ 86 ನೇ ದೇಶೀಯ ನಿಲ್ದಾಣವಾಗಲಿದೆ ಎಂದು ಹೇಳಿದೆ.
“ವಾಣಿಜ್ಯ ಕಾರ್ಯಾಚರಣೆಗಳು ಜನವರಿ 6 ರಿಂದ ಪ್ರಾರಂಭವಾಗುತ್ತದೆ, ನಂತರ ಜನವರಿ 11 ರಿಂದ ಅಹಮದಾಬಾದ್ ಮತ್ತು ಅಯೋಧ್ಯೆ ನಡುವೆ ತ್ರಿ-ಸಾಪ್ತಾಹಿಕ ವಿಮಾನಗಳು ಪ್ರಾರಂಭವಾಗಲಿದೆ ಎಂದು ತಿಳಿಸಿದೆ.
ದೆಹಲಿ ಮತ್ತು ಅಹಮದಾಬಾದ್-ಅಯೋಧ್ಯೆಯನ್ನು ಸಂಪರ್ಕಿಸುವ ಹೊಸ ವಿಮಾನಗಳು ಅಯೋಧ್ಯೆಯನ್ನು ದೇಶದ ವಾಯುಯಾನ ನಕ್ಷೆಯಲ್ಲಿ ಸೇರಿಸಲಿವೆ ಎಂದು ಇಂಡಿಗೋದ ಜಾಗತಿಕ ಮಾರಾಟದ ಮುಖ್ಯಸ್ಥ ವಿನಯ್ ಮಲ್ಹೋತ್ರಾ ಹೇಳಿದ್ದಾರೆ.
