Globant; ಮನೆಯಿಂದಲೇ 30,000 ಮಂದಿ ಕೆಲಸ

ಹೊಸದಿಲ್ಲಿ: ಗೂಗಲ್‌, ಮೈಕ್ರೋಸಾಫ್ಟ್, ಇನ್ಫೋಸಿಸ್‌ ಸೇರಿ ಬಹುತೇಕ ಕಂಪೆನಿಗಳು ತನ್ನ ಉದ್ಯೋಗಿಗಳಿಗೆ ಕಚೇರಿಯಿಂದ ಕಾರ್ಯನಿರ್ವಹಿಸುವಂತೆ ಆಗ್ರಹಿಸುತ್ತಿರುವ ನಡುವೆಯೇ, ಜಗತ್ತಿನ ವಿವಿಧ ದೇಶಗಳಲ್ಲಿನ ತನ್ನ 30,000 ಉದ್ಯೋಗಿಗಳಿಗೆ ಮನೆಯಿಂದಲೇ ಕಾರ್ಯನಿರ್ವಹಿಸುವಂತೆ (ವರ್ಕ್‌ ಫ್ರಂ ಹೋಮ್‌) ಗ್ಲೋಬಂಟ್‌ ಕಂಪೆನಿ ಸೂಚಿಸಿದೆ. “ವರ್ಕ್‌ ಫ್ರಂ ಹೋಮ್‌ ಉದ್ಯೋಗಿಗಳಿಗೆ ಅನುಕೂಲ ಒದಗಿಸಲಿದ್ದು, ಒತ್ತಡ ರಹಿತವಾಗಿ ಕಾರ್ಯನಿರ್ವಹಿಸುವುದನ್ನು ಪ್ರೇರೇಪಿಸಲಿದೆ’ ಎಂದು ಕಂಪೆನಿ ಹೇಳಿದೆ.