ಶಾ ಆಲಂ (ಮಲೇಷ್ಯಾ): ಬ್ಯಾಡ್ಮಿಂಟನ್ ಏಷ್ಯಾ ಚಾಂಪಿಯನ್‌ಶಿಪ್‌ನಲ್ಲಿ ಭಾರತದ ವನಿತೆಯರು ಮೊದಲ ಸಲ ಫೈನಲ್‌ ನಲ್ಲಿ ಗೆದ್ದು ಚಿನ್ನದ ಪದಕ ಮುಡಿಗೇರಿಸಿಕೊಂಡು ಐತಿಹಾಸಿಕ ಸಾಧನೆ ಮಾಡಿದ್ದಾರೆ.
ಭಾರತಕ್ಕೆ ಸ್ಮರಣೀಯ ಗೆಲುವನ್ನು ತಂದಿತ್ತ ಹೆಗ್ಗಳಿಕೆ 17ರ ಹರೆಯದ ಅನ್ಮೋಲ್ ಖರಬ್‌ ಅವರಿಗೆ ಸಲ್ಲುತ್ತದೆ. ಭಾನುವಾರ, ಥಾಯ್ಲೆಂಡ್ ವಿರುದ್ಧ 3-2 ಜಯದೊಂದಿಗೆ ಐತಿಹಾಸಿಕ ಬ್ಯಾಡ್ಮಿಂಟನ್ ಏಷ್ಯಾ ಟೀಮ್ ಚಾಂಪಿಯನ್ಶಿಪ್ ಪ್ರಶಸ್ತಿ ಗೆಲ್ಲುವಲ್ಲಿ ಭಾರತೀಯ ಮಹಿಳೆಯರನ್ನು ಮುನ್ನಡೆಸಲು ಕಾರಣರಾದರು. ಅನ್ಮೋಲ್ ಖರಬ್‌ ಅವರು ವಿಶ್ವ ರಾಂಕ್ 45 ರ ಥಾಯ್ಲೆಂಡ್ ಆಟಗಾರ್ತಿಗೆ 21-14, 21-9 ಆಘಾತ ನೀಡಿದರು.
ಬ್ಯಾಡ್ಮಿಂಟನ್ ಏಷ್ಯಾ ಟೀಮ್ ಚಾಂಪಿಯನ್‌ಶಿಪ್‌ನಲ್ಲಿ ಭಾರತವು ಮೊದಲ ಬಾರಿಗೆ ಚಿನ್ನ ಪದಕವನ್ನು ಪಡೆದಿರುವುದಕ್ಕೆ ನನಗೆ ತುಂಬಾ ಸಂತೋಷವಾಗಿದೆ. ಇದು ದೊಡ್ಡ ವಿಷಯ. ಇಲ್ಲಿ ಇತಿಹಾಸವನ್ನು ಬರೆಯಲಾಗಿದೆ. ನಿನ್ನೆ ಸೆಮಿಫೈನಲ್ ಗೆಲುವಿನ ನಂತರ ಭಾರತದಲ್ಲಿ ಪಂದ್ಯ ಹುಚ್ಚೆಬ್ಬಿಸಿತು. ಜಪಾನ್ ಮತ್ತು ಚೀನಾದಂತಹ ಶಕ್ತಿಶಾಲಿಗಳನ್ನು ಸೋಲಿಸುವುದು ತುಂಬಾ ದೊಡ್ಡ ವಿಷಯವಾಗಿತ್ತು. ಇಂದು, ಇದು ಭಾರತ ಮತ್ತು ತಂಡ ಪೂರ್ಣ ಸಂಭ್ರಮಾಚರಣೆ ನಡೆಸುತ್ತಿದೆ ಎಂದು ಪಂದ್ಯದ ನಂತರ ಅನ್ಮೋಲ್ ಹೇಳಿದ್ದಾರೆ.
“ನಾನು ನನ್ನ ಶೇಕಡಾ 100 ಅನ್ನು ಆಡಲು ಬಯಸಿದ್ದೆ ಆದರೆ ನನ್ನ ಮೇಲೆ ಯಾವುದೇ ಒತ್ತಡ ಇರಲಿಲ್ಲ ಎಂದರು.
ಇದು ಟೀಮ್ ಚಾಂಪಿಯನ್‌ಶಿಪ್‌ಗಳಲ್ಲಿ ಭಾರತೀಯ ವನಿತೆಯರಿಗೆ ಮೊದಲ ಪ್ರಮುಖ ಪ್ರಶಸ್ತಿಯಾಗಿದೆ ಮತ್ತು ಎ 28 ರಿಂದ ಮೇ 5 ರವರೆಗೆ ಚೀನಾದ ಚೆಂಗ್ಡುನಲ್ಲಿ ನಡೆಯಲಿರುವ ಉಬರ್ ಕಪ್‌ನ ಮುಂದೆ ತಂಡಕ್ಕೆ ದೊಡ್ಡ ಉತ್ತೇಜನವನ್ನು ನೀಡಿದೆ.
