ಡೆಹ್ರಾಡೂನ್‌ ರೈಲು ನಿಲ್ದಾಣದಲ್ಲಿ ಉರ್ದು ಬದಲು ಸಂಸ್ಕೃತ!

ಡೆಹ್ರಾಡೂನ್‌: ಉತ್ತರಾಖಂಡದ ಡೆಹ್ರಾಡೂನ್‌ ರೈಲು ನಿಲ್ದಾಣದಲ್ಲಿರುವ ನಾಮಫ‌ಲಕ ಹಾಗೂ ಸೂಚನಾ ಫ‌ಲಕಗಳಲ್ಲಿರುವ ಉರ್ದು ಭಾಷೆಯ ಹೆಸರು, ಸೂಚನೆಗಳನ್ನು ಅಳಿಸಿಹಾಕಿ, ಸಂಸ್ಕೃತದಲ್ಲಿ ಹೆಸರು, ಸೂಚನೆಗಳನ್ನು ಅಳವಡಿಸಲಾಗಿದೆ.

‘ರಾಜ್ಯದಲ್ಲಿ ಹಿಂದಿನಿಂದಲೂ ಉರ್ದು ಭಾಷೆ 2ನೇ ಅಧಿಕೃತ ಭಾಷೆಯಾಗಿತ್ತು. ಇತ್ತೀಚೆಗೆ, ಉರ್ದು ಬದಲಿಗೆ ಸಂಸ್ಕೃತವನ್ನು 2ನೇ ಅಧಿಕೃತ ಭಾಷೆಯನ್ನಾಗಿ ಘೋಷಿಸಲಾಗಿದೆ. ಈ ಹಿನ್ನೆಲೆಯಲ್ಲಿ, ಸೂಚನಾ ಫ‌ಲಕಗಳನ್ನು ಬದಲಿಸಲಾಗಿದೆ’ ಎಂದು ಉತ್ತರ ರೈಲ್ವೆಯ ಪಿಆರ್‌ಒ ದೀಪಕ್‌ ಕುಮಾರ್‌ ಹೇಳಿದ್ದಾರೆ.