ದರೋಡೆ ನಾಟಕ : ಭಾರತೀಯ ಮೂಲದ ಸೆಕ್ಯುರಿಟಿ ಗಾರ್ಡ್‌ಗೆ ಜೈಲು

ಲಂಡನ್‌ : ನಗದು ಸಾಗಣೆಯ ತಮ್ಮ ವಾಹನದಿಂದ ತಾವೇ 70 ಲಕ್ಷ ಪೌಂಡ್‌ ಹಣ ಕದ್ದು  ತಮ್ಮನ್ನು ಯಾರೋ ದುಷ್ಕರ್ಮಿಗಳು ದರೋಡೆ ಮಾಡಿದರೆಂಬ ನಾಟಕವಾಡಿ ತಮ್ಮ ಅಪರಾಧ ಕೃತ್ಯ ಮುಚ್ಚಿಟ್ಟಿದ್ದ  ಭಾರತೀಯ ಮೂಲದ ಸೆಕ್ಯುರಿಟಿ ಗಾರ್ಡ್‌ ಮತ್ತು ಆತನ ಸಹಚರನಿಗೆ ಬ್ರಿಟನ್‌ ನ್ಯಾಯಾಲಯ ಆರು ವರ್ಷಗಳ ಜೈಲು ಶಿಕ್ಷೆ ವಿಧಿಸಿದೆ.

ಆರೋಪಿ ಸೆಕ್ಯುರಿಟಿ ಗಾರ್ಡ್‌ಗಳಾಗಿರುವ ರಣಜೀವ್‌ ಸಿಂಗ್‌ ಮತ್ತು ಮೊಹಮ್ಮದ್‌ ಸಿದ್ದಿಕಿ ಗೆ ನೈಋತ್ಯ ಲಂಡನ್‌ನ ಕಿಂಗ್‌ಸ್ಟನ್‌ ಕ್ರೌನ್‌ ನ್ಯಾಯಾಲಯ ದರೋಡೆ ಸಂಚಿಗಾಗಿ ಆರು ವರ್ಷಗಳ ಜೈಲು ಶಿಕ್ಷೆಯನ್ನು ವಿಧಿಸಿದೆ.

ಈ ವರ್ಷ ಮಾರ್ಚ್‌ನಲ್ಲಿ ಇವರು ನಗದು ತುಂಬಿದ್ದ 26 ಚೀಲಗಳನ್ನು ಕದ್ದಿದ್ದರು; ಬಳಿಕ ತಮ್ಮನ್ನು ಯಾರೋ ದರೋಡೆ ಮಾಡಿದರೆಂದು ಬಿಂಬಿಸಿ ಪಾರಾಗಲು ಯತ್ನಿಸಿದ್ದರು. ಇವರು ಯುರೋಪಿನ ನಗದು ನಿರ್ವಹಣೆಯ ಲೂಮಿಸ್‌ ಕಂಪೆನಿಯ ನೌಕರರು.